ආහාර නාස්තිය අවම කිරීමට සිසුවෙකුගෙන් ඇප් එකක්

ඇප් එකක් යොදාගනිමින් ආහාර නාස්තිය අවම කිරීමේ ක්‍රමයක් සැකසීමට ඔස්ට්‍රේලියා සිසුවෙක් සමත් වුණා. 

අවුරුදු 15 ක් වයසැති ශ්‍රීචරන් කාතිකියන් නම් ඔහු කොවිඩ් සමයේදී ඊට මූලාරම්භය තැබූ බවයි සඳහන් වෙන්නේ. නව මෘදුකාංගයට ජාතික IBM තරගාවලියේදී දෙවන ස්ථානය හිමිව තිබෙනවා. 

පාරිභෝගිකයෙකු ආහාර ද්‍රව්‍ය මිලදී ගත් විට එහි කල් ඉකුත් වන දිනය සටහන් කොටස ඇප් එක මගින් ස්කෑන් කළ යුතු බවයි කාතිකියන් පෙන්වා දෙන්නේ. 

එය සටහන් වන අතර, ආහාර කල් ඉකුත් වීමේ දිනය ආසන්න වනවිට, ඒ පිළිබඳව සිහිගැන්වීමට ඇප් එකෙන් සංඥා නිකුත් කෙරෙනවා. 

ඔස්ට්‍රේලියාවේ වාර්ෂික ආහාර ද්‍රව්‍ය අපතේ යාම මෙට්‍රික් ටොන් මිලියන 7 යි දශම 6 ක් බවයි සඳහන් වෙන්නේ. 

ඉන් සාමාන්‍යයෙන් නිවසකට වන අලාභය වසරකට ඔස්ට්‍රේලියා ඩොලර් 2500 කට වැඩියි. 

කාතිකියන් ජීවත් වන සිටි ඔෆ් කින්ග්ස්ටන් නගරාධිපති හාදි සාබ් සඳහන් කළේ, නව සොයාගැනීම සමග ඔස්ට්‍රේලියාවේ ආහාර සංස්කෘතිය සම්පූර්ණයෙන්ම වෙනස් වනු ඇති බවයි. 

 

මීයෙක් නිසා ඇරඹුණු ශ්‍රී ලන්කන් ගුවන් ගමන් ප්‍රමාදයට විසඳුමක් ලැබෙන දිනය මෙන්න

ශ්‍රී ලන්කන් ගුවන් සමාගමේ ගුවන් ගමන් ප්‍රමාදය සහ අවලංගු වීම් යථා තත්ත්වයට පත්වීමට තවත් දින 5ක් පමණ ගත වනු ඇති බව එම සමාගම පවසනවා.

Read More »

පැතිර යන රෝගයක් නිසා සෞඛ්‍ය අනතුරු ඇඟවීමක්

රෝහල් හදිසි ප්‍රතිකාර අංශයකදී කුඩා දරුවෙකුට සරම්ප වැළඳී ඇති බව තහවුරු වීමෙන් පසුව නිව් සවුත්වේල්ස් ප්‍රාන්ත සෞඛ්‍ය අංශ විසින් බටහිර සිඩ්නි ප්‍රදේශයට සරම්ප අනතුරු ඇඟවීමක් නිකුත් කර තිබෙනවා.

Read More »

මාරාන්තික කුරුලු උණ වෛරසයක් නිසා ඔස්ට්‍රේලියා සෞඛ්‍ය අංශ අවධානයෙන්

ගෝලීය වශයෙන් මිලියන ගණනක් සතුන් මරා දැමූ H5N1 කුරුළු උණෙහි විනාශකාරී ප්‍රභේදයක් ප්‍රථම වරට ඇන්ටාක්ටිකාවේ ප්‍රධාන ගොඩබිම් කලාපයට ඇතුලත්ව ඇති බව අනාවරණය වී තිබෙනවා.

Read More »