මෙල්බර්න්හි සමාජ ශාලාවකදී කාන්තාවන්ට විවිධ ලිංගික හිංසන සිදු කළ පුද්ගලයෙකුට එරෙහිව සාධක සපයන්නැයි අධිකරණය පොලිසියට නියෝග කළා.
සමාජ ශාලාවේ නිරීක්ෂණ කැමරා පද්ධතියට අනුව ඔහු කාන්තාවන් බොහෝ දෙනෙකුට හිංසන සිදුකර ඇති බවයි හෙළිව තිබෙන්නේ.
පොලිසිය පවසන්නේ මූලික වශයෙන් කාන්තාවන් තිස් තුන්දෙනෙකු සම්බන්ධයෙන් තොරතුරු ලැබී ඇති බවයි.
ඔවුන්ගේ අනුමැතියකින් තොරව ශරීරයේ විවිධ ස්ථාන ස්පර්ශ කිරීම සහ හාදු ලබාදීමටද සැකකරු ක්‍රියාකර තිබෙනවා.
ඒ සම්බන්ධ සාක්‍ෂි සති දොළහක් ඇතුළත ඉදිරිපත් කරන්නැයි මෙල්බන් මහේස්ත්‍රාත් අධිකරණය පොලිසියට නියෝග කළා.
සැකකරු වාප මත මුදා හැර ඇති අතර නඩුව නැවතත් මැයි දහවනදා කැඳවන බවයි වාර්තා වෙන්නේ.
