ඔස්ට්‍රේලියාවේ Age care වලින් සියයට පනහකට වැඩි සංඛ්‍යාවක් ඉතා විශිෂ්ට සේවයක් සපයන බව රජයේ වාර්තා අනුව තහවුරු වී තිබෙනවා.
වත්මන් රජය Age care වර්ගීකරණය සඳහා ක්‍රමයක් හඳුන්වා දුන් අතර ඒ සමග Age careවල ගුණාත්මකභාවය වර්ධනය වී ඇති බවයි සඳහන්.
නව රජය බලයට පත්වීමත් සමඟ ඔස්ට්‍රේලියාවේ වයස්ගත ජනගහනයට යහපත් ජීවන තත්වයක් අත්කර දෙන බවටයි, අග්‍රාමාත්‍ය ඇන්තනි ඇල්බනීස් සහතික වුණේ.
ඒ අනුව රජය Age careවල ගුණාත්මක භාවය වැඩි කිරීමේ සැළසුම් සකස් කළ බවයි වයස්ගත වූවන් පිළිබඳ අමාත්‍යවරයා පෙන්වා දෙන්නේ.
එහි ප්‍රතිඵලයක් ලෙස Age care ආශ්‍රිත ජනතාවට පහසුකම් රැසක් සැලසී තිබෙනවා.
ඉන් ඔවුන්ගේ ජීවන තත්ත්වය උසස් වී ඇති බවයි රජයේ අදහස.
