කාලගුණ විද්‍යා කාර්යාංශය කෙරෙහි රජයේ පූර්ණ විශ්වාසය ඇති බවයි ආපදා කළමනාකරණ අමාත්‍ය මරේ වොට් පවසන්නෙ.
පසුගිය පැය 24 විවිධ දේශපාලන නියෝජිතයන් කාලගුණ කාර්යාංශය පිළිබඳව අදහස් පලකර තිබෙනවා.
ඉන් වැඩි සංඛ්‍යාවක් කාර්යාංශයට එරෙහි චෝදනා බවයි අමාත්‍යවරයා පෙන්වා දෙන්නේ.
එහෙත් ක්වීන්ස්ලන්ඩ් ආපදා තත්ත්වය අනපේක්ෂිත කාලගුණික සිදුවීමක් බවයි, ඔහුගේ අදහස.
නවීනතම උපකරණ සහ තාක්ෂණය යොදාගනිමින් කාලගුණ කාර්යාංශය උපරිම සේවය, නිවැරදිව සලසන බවයි ඔහු අවධාරණය කළේ.
ඒ නිසා රජයේ උපරිම විශ්වාසය කාර්යාංශය වෙත ඇතැයි, ආපදා කළමනාකරණ අමාත්‍යවරයා පෙන්වා දෙනවා.
