ඔස්ට්‍රේලියා පාකිස්ථාන ටෙස්ට් ක්‍රිකට් තරගයේදී නරඹන්නන් කිහිපදෙනෙකු ඉවත් කරනු ලැබූවේ, සමාජ විරෝධී හැසිරීම් නිසා බවයි ඔප්ටස් ක්‍රීඩාංගණ බලධාරීන් පවසන්නේ.
තරගයේ හතරවන දිනයේදී කිහිපදෙනෙකු ට ඉවත් කිරීමට පියවර ගත් බව සඳහන්.
ඊට පෙර ඔවුන් පලස්තීනයට සහාය දක්වමින් විශාල බැනරයක් ප්‍රදර්ශනය කරමින් තිබූ බවයි සඳහන් වෙන්නේ.
දිගින් මීටර් පහකට වැඩිවූ එහි උස්මාන් කවාජා සිය පාවහන් වල සටහන් කිරීමට සූදානම් වූ සියලු ජීවිත සමානයි යන්න සහ නිදහස යනු මානව හිමිකම් යනුවෙන්ද සටහන් කර තිබූ බවයි, ඔප්ටස් ක්‍රීඩාංගණ බළධාරීන් පෙන්වා දෙන්නේ.
බැනරය ඉවත් කර ඇත්තේ ක්‍රීඩාංගනයකට ඇතුළු වීම සඳහා වූ ඔස්ට්‍රේලියා ක්‍රිකට් නීති රීති හා කොන්දේසි අනුවයි.
බැනරය ප්‍රදර්ශනය කළ ප්‍රේක්ෂකයන් පලස්තීනයට සහාය දැක්වීමේ වැකි හඬ නගා ප්‍රකාශ කළ බවද වාර්තා වී තිබෙනවා.
