සිඩ්නි සිට හොබාට දක්වා මුහුදු යාත්‍රා තරගාවලියේදී මෙතෙක් කිසිදු මුහුදු යාත්‍රා අත්දැකීමක් නොමැති හතර දෙනකු තරග වැදීමට නියමිත බවයි වාර්තා වෙන්නේ.
ඒ ලෝකනෙක්ට් යාත්‍රාව සමග එක්වී බවයි සඳහන් වෙන්නෙ.
පසුගිය වසර තුනේදී මෙම තරගාවලියේ දෙවන වේගවත්ම යාත්‍රාව බවට පත්වීමට ලෝකනෙක්ට් යාත්‍රාවට හැකිව ඇති බව සඳහන්.
මුහුදු යාත්‍රා තරගයේ දුර නාවික සැතපුම් 628 ක්. තරගාවලි ඉතිහාසයේ මුහුදේ යාත්‍රාකරන ලද අත්දැකීම් නොමැති හතර දෙනකු තරගාවලියට එක්වන ප්‍රථම අවස්ථාව ලෙස මෙය ඉතිහාස ගත වීමට නියමිතයි.
වෙනී යාප්, එළන් හොවාඩ්, පෝල් කිම්බර් සහ යෙහාන් ගුණරත්න යාත්‍රා පැදවීමේ කණ්ඩායම නියෝජනය කරන ආධුනිකයන් හතරදෙනා බවයි වාර්තා වෙන්නේ.
අත්දැකීම් බහුල ක්‍රිස්ටියන් බෙක් ගේ නායකත්වය යටතේ, තරගයේදී ඔවුන් විවිධ පැවරුණු කාර්යයන්වල නිරත වනු ඇති.
රුවල් සැකසීම, ඡායාරූප ගැනීම, කෝපි සැකසීම, ආහාර සැකසීම ආදිය ඒ අතර වන බවයි සඳහන් වෙන්නේ.
ලබන 25 තෙක් ඔවුන් හතර දෙනා ලෝකනෙක්ට් කණ්ඩායම සමග පුහුණු වීමටයි සැලසුම් කර තිබෙන්නේ.
අන්තර්ජාල ආරක්ෂණ ක්ෂේත්‍රයේ සේවය කරන යෙහාන්, මෙම තරගයේදී සජීවව තොරතුරු ගෙන ඒමට නියමිතයි.
ඔහු කියාසිටියේ, ඔස්ට්‍රේලියාවේ හොබාට් සුප්‍රසිද්ධ මුහුදු යාත්‍රා තරගයට එක්වීම ජීවිතයේ සුවිශේෂ අවස්ථාවක් බවයි.
