ක්වීන්ස්ලන්ඩ් හි නිවාස 450 ක සංකීර්ණයක් ඉදිකිරීමට සැලසුම් කෙරෙනවා.
දේපළ සංවර්ධනය ආයතනයක් ඒ සම්බන්ධ ඉල්ලීම ඉදිරිපත් කර තිබූ බවයි සඳහන් වෙන්නේ.
නිවාස ඉදි කෙරෙන්නේ ක්වීන්ස්ලන්ඩ් හි ජලගැලුම් තැනිතලාවක් මත.
ඒ නිසා ඊට අවසර ලබාදීමේදී සන්ෂයින් කෝස්ට් සභාවේ නියෝජිතයන් අදහස් රැසක් ප්‍රකාශ කර තිබෙනවා.
අවසානයේදී ව්‍යාපෘතිය සඳහා මූලික අවසරය ලබා දී ඇත්තේ කොන්දේසි සියයක් පමණ සමග බවයි වාර්තා වෙන්නේ.
ජලය බැසයාම සහ රැස්කිරීම සඳහා වැවක් නිර්මාණය කිරීම ඒ අතර ප්‍රධාන වෙනවා.
එය හෙක්ටාර දහ අටකට පමණ ආසන්න විය හැකි බවයි වාර්තා වෙන්නේ.
සන්ෂයින් කෝස්ට් සභාවේ නියෝජිතයන් දස දෙනාගෙන් ම හය දෙනකු ව්‍යාපෘතිය අනුමත කර තිබෙනවා.
