මානව හිමිකම් සම්බන්ධ පණිවුඩයක් පාවහන් මගින් ප්‍රදර්ශනය කිරීමට icc යෙන් ඇතිවූ බාධකය පිළිබඳව හැකි උපරිම ක්‍රියාමාර්ග ගන්නා බවයි ඔස්ට්‍රේලියා ආරම්භක ප්‍රතිකරු උස්මාන් කවාජා පවසන්නේ.
නිදහස යනු මානව හිමිකමකි සහ සියලු ජීවිත සමානයි යන පණිවුඩ රැගත් පාවහන් පැළඳ පාකිස්ථානයට එරෙහි පළමු ටෙස්ට් ක්‍රිකට් තරගයට ක්‍රීඩා කිරීමටයි කවාජා සැලසුම් කර තිබුණේ.
එහෙත් සැලසුමට බාධා මතු වුණා.
ක්‍රිකට් ඔස්ට්‍රේලියා කියා සිටියේ කවාජාගේ සූදානම තමන්ට ගැටළුවක් නොවන බවයි.
එහෙත් icc නීති රීති යටතේ පණිවුඩයක් නිකුත් කිරීමේ හැකියාවක් නැතැයි ක්‍රිකට් ඔස්ට්‍රේලියා පෙන්වා දී තිබෙනවා.
ඒ අනුව පණිවිඩ රහිත පාවහන් පැළඳ උස්මාන් කවාජා ඔස්ට්‍රේලියා ඉනිම ආරම්භ කළා.
පාකිස්ථානයට එරෙහි තරගයේදී කාසියේ වාසිය දිනා ගත් ඔස්ට්‍රේලියාවයි මුලින්ම පන්දුවට පහර දෙන්නේ.
තරගය පැවැත්වෙන්නේ පර්ත් ක්‍රිකට් ක්‍රීඩාංගනයේදී.
