ජැස්පර් සුළි කුණාටුවෙන් සිදු වූ හානි පිළිබඳව ඉදිරි පැය කිහිපයේදී තක්සේරු කරන බවයි ක්වීන්ස්ලන්ඩ් බලධාරීන් පවසන්නේ.
තවමත් නිවාස සහ ව්‍යාපාරික ස්ථාන හතළිස් දහසකට වැඩි සංඛ්‍යාවක් පවතින්නේ විදුලි බලය නොමැතිව බවයි සඳහන් වෙන්නේ.
එය යථා තත්ත්වයට පත් කිරීම සඳහා ඉක්මනින් ක්‍රියා මාර්ග ගැනෙනවා.
බිඳවැටීම් බහුලවීම හේතුවෙන් සැපයුම නැවත ලබා දිය හැකි කාලසීමාවක් ප්‍රකාශ කළ නොහැකි බවයි බලශක්ති ආයතන ප්‍රකාශිකාව සඳහන් කරන්නේ.
ජැස්පර් සුළි කුණාටුව ගොඩබිමට ඇතුළු වූයේ කේන්ස් ප්‍රදේශයට කිලෝ මීටර් සියයක් පමණ දුරින්.
ඒ වන විට දෙවන ශ්‍රේණියේ සුළි කුනාටුවක් දක්වා එය වර්ධනය වී තිබූ බවයි කාලගුණ අංශ පවසන්නේ.
