ක්වීන්ස්ලන්ඩ් ප්‍රාන්තයේ පොදු ප්‍රවාහන සේවා ගාස්තු ලබන වසරේ දී ස්ථාවරව පවත්වා ගැනීමට තීරණය කර තිබෙනවා.
ඒ අනුව දැනට පවතින ගාස්තු ලබන වසර පුරා අඛණ්ඩව ක්‍රියාත්මක බවයි ප්‍රාන්ත රජය පවසන්නේ.
භාණ්ඩාගාරික අමාත්‍ය කැමරන් ඩික් කියා සිටින්නේ ගාස්තු ස්ථාවරව පවත්වා ගැනීමෙන් පුද්ගලයෙකුට දළ වශයෙන් වාර්ෂිකව ඩොලර් 65 ක් පමණ ඉතිරි වන බවයි.
ආර්ථික අර්බුදයකට ලක්ව ඇති අවස්ථාවක වියදම් නොකෙරෙන සෑම ඩොලරයක්ම ඕනෑම පුද්ගලයෙකුට අතිශය වැදගත් බවත් ඔහු පෙන්වා දී තිබෙනවා.
ඊට අමතරව ජීවන වියදම පාලනයට ක්වීන්ස්ලන්ඩ් රජය ක්‍රියාමාර්ග රැසක් ගන්නා බවයි භාණ්ඩාගාරික අමාත්‍යවරයා කියාසිටින්නෙ.
