ඔස්ට්රේලියා විදේශ ගමන් බලපත් ගාස්තු වැඩි කිරීමට ෆෙඩරල් රජය තීරණයකට එළඹ තිබෙනවා.
එය ලබන වසරේ ජූලි පළමුදා සිට ක්රියාත්මක කිරීමයි රජයේ අපේක්ෂාව.
දැනට ක්රියාත්මක විදේශ ගමන් බලපත් ගාස්තුවක් ඒ යටතේ සියයට පහළොවකින් වැඩිකිරීමටයි සැලසුම් කර ඇත්තේ.
නව ක්රියාමාර්ගයෙන් වසර තුනක කාලයකදී ඔස්ට්රේලියා ඩොලර් මිලියන 349 ක ආදායමක් ලබාගත හැකි වෙතැයි රජය පෙන්වා දී තිබෙනවා.
ඊට අමතරව විදේශ ගමන් බලපත් වඩාත් ආරක්ෂිතව නිකුත් කිරීමේ ක්රමවේදයක් ද සැලසුම් කර ඇති බවයි භාණ්ඩාගාරික අමාත්ය ජිම් චාමර්ස් පවසන්නේ.
වර්තමානය වන විට පුද්ගලයන්ගේ ආරක්ෂාව සහ අනන්යතාව සම්බන්ධ විවිධ අර්බුද මතුව තිබෙනවා.
නව ගමන් බලපත් නිකුත් කිරීමේ ක්රමවේදයෙන් එම ගැටලු විසඳීමට හැකිවන බවයි රජය විශ්වාස කරන්නේ.
