ක්වීන්ස්ලන්ඩ් උතුරු වෙරළ තීරයට දැඩි සුළං ප්‍රවාහයක්

ක්වීන්ස්ලන්ඩ් උතුරු වෙරළ තීරයට පැයට කිලෝමීටර් එකසිය හතලිහක පමණ දැඩි සුළං ප්‍රවාහයක් ඇතිවිය හැකි යැයි විශ්වාස කෙරෙනවා. 

ජැස්පර් සුළි කුනාටුව ඉදිරි පැය කිහිපයේදී රටට ඇතුළු වීමට නියමිතයි.

එය සිදුවන්නේ ක්වීන්ස්ලන්ඩ් උතුරු වෙරළ තීරයෙන්. එහිදී ම හදිසි ජලගැලීම් තත්වද ඇතිවිය හැකි බවටයි අනතුරු අඟවා තිබෙන්නේ. 

වැඩි වර්ෂාපතනයක් ද අපේක්ෂා කෙරෙනවා.

ඒ පැය හයකදී මිලිමීටර් සීයේ සිට මිලිමීටර් 150 දක්වා වූ වර්ෂාපතනයක්.

බලපෑම් සිදුවිය හැකි යැයි විශ්වාස කෙරෙන පෝට් ඩග්ලස්හි  නගරාධිපති මයිකල් කර් කියා සිටින්නේ අයහපත් බලපෑමට මුහුණ දීම සඳහා ප්‍රදේශවාසීන් කඩිනමින් ක්‍රියාමාර්ග ගත් බවයි. ඊයේ පස්වරුවේද දැඩි සුළං ඇතිවුණා.

ඒ සමග මද වැසි ද ප්‍රදේශ කිහිපයකට ඇතිවී තිබෙනවා.

ඉදිරි පැය කිහිපයේදී සුළං ප්‍රවාහය සහ වර්ෂාපතනය වැඩි විය හැකියි.

ජලගැලීම්වලින් ආරක්ෂාවීම සඳහා නිවාස ආශ්‍රිතව වැලි කොට්ට ඇතිරීමටද පියවර ගැනුනා.

දේපළ ආරක්ෂා කර ගැනීමට ජනතාව හැකි උපරිමයෙන් ක්‍රියා කළ බවයි  පෝට් ඩග්ලස් නගරාධිපතිවරයා පෙන්වා දෙන්නේ. 

ජැස්පර් සුළි කුනාටුව ප්‍රදේශයෙන් ඉවත්ව ගිය විගස පවිත්‍ර කිරීමේ වැඩසටහන් ආරම්භ කරමින් සිකුරාදා වන විට ප්‍රදේශයේ සියලු මෙහෙයුම් යථා තත්ත්වයට පත් කිරීමටත් ඔහු අපේක්ෂා කරනවා.

ඔස්ට්‍රේලියා වීසා හිමියන්ට ස්වදේශ කටයුතු දෙපාර්තමේන්තුවෙන් දැනුම්දීමක්

ලබන 30 වනදායින් වීසා කාලය අවසන් වන සංක්‍රමණිකයන්ට ඔස්ට්‍රේලියානු ස්වදේශ කටයුතු දෙපාර්තමේන්තුව දැනුම්දීමක් සිදු කර තිබෙනවා.

Read More »

ඩේවිඩ් වෝනර් ජාත්‍යන්තර ක්‍රිකට් පිටියෙන් සමුගනී

ඔස්ට්‍රේලියානු කණ්ඩායමේ ආරම්භක පිතිකරුවෙකු වන සුපිරි ක්‍රීඩක ඩේව්ඩ් වෝනර් ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.

Read More »

ඔස්ට්‍රේලියාවේ e-දුම්වැටි නීතිවල මතබේධාත්මක වෙනසක්

ඔස්ට්‍රේලියාවේ ඉලෙක්ට්‍රොනික දුම්වැටි සම්බන්ධයෙන් පවතින නීතිවල වෙනස්කම් කිහිපයක් අදියර දෙකක් යටතේ සිදු කිරීමට සැලසුම් කර තිබෙනවා.

Read More »