මුදල්වලින් ගනුදෙනු කිරීමට ව්‍යාපාර පෙළඹවිය යුතු බව ඔස්ට්‍රේලියානුවන්ගේ අදහස වී ඇතැයි අධ්‍යයනයකින් හෙළි වුණා.
ඇතැම් ව්‍යාපාරික ස්ථාන මුදල් ලබා ගැනීමට සූදානම් නැහැ.
ඔවුන් ගනුදෙනු කරන්නේ විද්‍යුත් ක්‍රමයට පමණයි.
එයනීතියට පටහැනි නැහැ.
එහෙත් මුදල් වලින් ගනුදෙනු නොකිරීමෙන් විවිධ ගැටලු මතුවන බවයි අධ්‍යයනයට ලක්වූවන් පෙන්වා දී තිබෙන්නේ.
ඒ නිසා මුදල්වලින් ගනුදෙනු කිරීමට ව්‍යාපාර පෙළඹවිය යුතු බව ඔවුන් සඳහන් කරනවා.
අධ්‍යයනය සඳහා 554 දෙනෙකු යොදාගත් බව නයින් ඩොට් කොම් වෙබ් අඩවිය පවසනවා.
ඉන් සියයට 78 ක් කියාසිටියේ මුදල් ගනුදෙනු අනිවාර්ය කළ යුතු බවයි.
සියයට දහතුනක් මුදල් සහ විද්‍යුත් ක්‍රමවේද සුදුසු බව විශ්වාස කරනවා.
සියයට නවයක් විද්‍යූත් ක්‍රමවේදයට පමණක් එකඟයි.
