පලස්තීනයට සහාය පළ කිරීමේ රැළියක් සිඩ්නි නගරයේ දී පස්වරුවේ පැවැත්වෙනවා.
සිඩ්නි පලස්තීන ක්‍රියාකාරී සමූහයයි එය සංවිධාන කරන්නේ.
රැළියෙදී දැන් සටන් විරාමයක් ලෙස නම් කරන ලද යෝජනා මාලාව සම්මත කිරීමටද අපේක්ෂා කෙරෙනවා.
ඊයේද පලස්තීනයට සහාය පළ කිරීමේ විරෝධතා කිහිපයක් පැවැත්වුණා.
විරෝධතාකරුවන් කියා සිටියේ ඊශ්‍රායල රජය ගාසා තිරයේ පලස්තීන ජනතාවට ප්‍රහාර එල්ල කිරීම නැවැත්විය යුතු බවයි.
සටන් විරාමයකට පිවිසිය යුතු බවද පලස්තීන දේශපාලන සිරකරුවන් නිදහස් කිරීම අනිවාර්ය බවද ඔවුන්ගේ ස්ථාවරය වී තිබෙනවා.
ඔස්ට්‍රේලියා අග්‍රාමාත්‍ය ඇන්තනි ඇල්බනිස් සටන් විරාමයකට මැදිහත් විය යුතු බවද ඔවුන්ගේ අදහසයි.
