ක්වන්ටාස් ගුවන්යානා තුළ ජංගම දුරකථන භාවිතය සම්බන්ධ නව නීති දැඩිව ක්‍රියාත්මක කිරීමට පියවර ගැනෙනවා.
පසුගිය මාසයේදී නව කොන්දේසි හඳුන්වාදීමට ගුවන් සමාගම තීරණය කළා.
ඒවා දැඩිව ක්‍රියාත්මක කිරීමට පියවර ගන්නා බවයි සමාගම පවසන්නේ.
ඒ අනුව ක්වන්ටාස් ගුවන් යානා තුළ වෙනත් පුද්ගලයන්ගේ ඡායාරූප ගන්නේ නම් ඡායාරූපයට ලක්වන්නාගේ කැමැත්ත ඊට ලබාගත යුතු වෙනවා.
කාර්ය මණ්ඩලයේ සාමාජිකයන්ගේ ඡායාරූප ලබාගැනීමද ඔවුන්ගේ කැමැත්ත නොලැබෙන්නේ නම් තහනම්.
video ගත කිරීම් සඳහාද එම නීති බල පැවැත්වෙනවා.
විවිධ සිදුවීම් වීඩියෝ ගතකර සමාජ ජාලා වෙත මුදා හැරීමේ සිදුවීම් මීට පෙර වාර්තා වුණා.
ඒවා පෞද්ගලිකත්වයට ගැටලු මතුවන සාධක.
ගුවන් සේවය භාවිත කරන මගීන් කිහිප දෙනෙකු සඳහන් කර ඇත්තේ ක්වන්ටාස් සමාගම අවසානයේ අතිශය වැදගත් තීන්දුවක් ගත් බවයි.
