ගුරු හිගය උග්‍රවීමත් සමග වික්ටෝරියා ප්‍රාන්තයේ ඇතැම් පාසල් විසින් සිය සිසුන්ට නිවසේ සිට අධ්‍යාපනය හදාරන ලෙස උපදෙස් දී තිබෙනවා.
මෙහි වැඩිම බලපෑම එල්ල වී ඇත්තේ ප්‍රාදේශීය කලාපවල පාසල්වලට බවයි පැවසෙන්නේ.
එහි සමස්ත පාසල් අතුරින් සියයට 43 ක පමණ ගුරු හිගයක් පවතින බවටයි තොරතුරු අනාවරණය වන්නේ.
ලබන වසර වනවිට මෙම තත්වය තවත් උග්‍රවිය හැකි බවටද විදුහල්පතිවරුන් විසින් සිසුන්ට දන්වා තිබෙනවා.
ගුරුවරුන් ආකර්ෂණය කරගැනීම සඳහා වික්ටෝරියා ප්‍රාන්ත රජය විසින් ක්‍රියාමාර්ග රැසක් හඳුන්වාදෙනු ලැබුවද ඒවා සැළකිය යුතු සාර්ථකත්වයක් අත්කරගෙන නොමැති බව සඳහන්.
