ඔස්ට්‍රේලියාවේ නිවාස දහතුන් දහසක විදුලි සැපයුමට බාධා

ඔස්ට්‍රේලියාවේ අහිතකර කාලගුණ තත්වය නිසා නිවාස දහතුන් දහසකට අධික සංඛ්‍යාවකට විදුලි බලය අහිමිව ඇතැයි වාර්තා වෙනවා.

ඊට හේතු වී ඇත්තේ දකුණු ඔස්ට්‍රේලියාවට පසුගිය පැය 24 තුළ ඇති වූ අකුණු තිස් දහසකට වැඩි සංඛ්‍යාවක් බවයි සඳහන් වන්නේ.

ඔස්ට්‍රේලියාව පුරා ලැව් ගිනි ව්‍යාප්තව තිබෙනවා. පාලනය කිරීමට ගිනි නිවන අංශවල සේවකයන් දැඩි ප්‍රයත්නයක් දරමින් සිටිනවා.

ගිනි වලින් කිසිදු නිවසකට හානි වී නැහැ. දකුණු ඔස්ට්‍රේලියා ගිනි නිවන අංශ කියා සිටින්නේ අවධානයක් යොමු කළ යුතු මට්ටමින් ලැව් ගිනි පැතිර ඇති බවයි.

සෙල්සියස් අංශක හතළිහට වැඩි උෂ්ණත්වයක් වාර්තා වන අතර පැයට කිලෝමීටර් අනූවට වැඩි සුළං ප්‍රවාහයක් ද new south wales සහ දකුණු ඔස්ට්‍රේලියාවට බලපා තිබෙනවා. තත්වය මත ප්‍රදේශ කිහිපයක ගින්දර භාවිතය සීමා කිරීමට ද පියවර ගැනෙනවා.

New South Wales සෞඛ්‍ය විධායක අධ්‍යක්ෂ ජෙරමි මැක්අනල්ටි කියා සිටින්නේ ජනතාව උෂ්ණත්වය සම්බන්ධ රෝගාබාධ වලින් වැළකී සිටීම සඳහා පියවර ගත යුතු බවයි.

උණුසුම් කාලසීමාවල නිවසෙන් බැහැරව නොයාම එක් ක්‍රියාමාර්ගයක් බවයි ඔහුගේ අදහස.

නිවාස වල දොර ජනෙල් විවෘත නොකර වසා තැබීම ද ආරක්ෂිත පියවරක්.

වායු සමන යන්ත්‍ර හෝ ලංකා භාවිතය වැඩි කළ යුතුයි. උදා කාලයේ පවතින සීත සහිත තත්වයේදී ක්‍රියෑකාරකම් හැකි තරම් පාලනය කළ යුතු බවද ඔහු පෙන්වා දෙනවා.

ඔස්ට්‍රේලියා වීසා හිමියන්ට ස්වදේශ කටයුතු දෙපාර්තමේන්තුවෙන් දැනුම්දීමක්

ලබන 30 වනදායින් වීසා කාලය අවසන් වන සංක්‍රමණිකයන්ට ඔස්ට්‍රේලියානු ස්වදේශ කටයුතු දෙපාර්තමේන්තුව දැනුම්දීමක් සිදු කර තිබෙනවා.

Read More »

ඩේවිඩ් වෝනර් ජාත්‍යන්තර ක්‍රිකට් පිටියෙන් සමුගනී

ඔස්ට්‍රේලියානු කණ්ඩායමේ ආරම්භක පිතිකරුවෙකු වන සුපිරි ක්‍රීඩක ඩේව්ඩ් වෝනර් ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.

Read More »

ඔස්ට්‍රේලියාවේ e-දුම්වැටි නීතිවල මතබේධාත්මක වෙනසක්

ඔස්ට්‍රේලියාවේ ඉලෙක්ට්‍රොනික දුම්වැටි සම්බන්ධයෙන් පවතින නීතිවල වෙනස්කම් කිහිපයක් අදියර දෙකක් යටතේ සිදු කිරීමට සැලසුම් කර තිබෙනවා.

Read More »