මැක්ඩොනල්ඩ්ස් ක්ෂණික ආහාර අවන්හල් ජාලයට එරෙහිව ඔස්ට්‍රේලියා ආහාර කර්මාන්ත සේවක වෘත්තිය සමිතිය විසින් ඩොලර් මිලියන ගණනක වන්දි මුදලක් ඉල්ලා නඩුවක් පවරා තිබෙනවා.
ඒ සේවකයන් විසින් රැකියාවල නිරත වූ පැය ගණනට අදාළව නිසි වැටුප් ගෙවා නැතැයි කියන කරුණක් පාදක කරගෙනයි.
ඔස්ට්‍රේලියාව පුරා ස්ථාපිත කර ඇති මැක්ඩොනල්ඩ්ස් අවන්හල් 1,000 ක පමණ සේවයේ නියුතු කළමණාකරුවන් සහ සුපරීක්ෂකයන් 25,000 කට පමණ ඩොලර් මිලියන 100 ක පමණ හිග වැටුප් මෙලෙස ලැබිය යුතු බවයි පැවසෙන්නේ.
සේවා මුරයට ඇතුළත් වැටුප් සහිත විනාඩි 30 ක කෙටි විවේකය සඳහා නියමිත පරිදි ගෙවීම් සිදුකර නොමැතිවීම මැක්ඩොනල්ඩ්ස් ආයතනයට එරෙහි චෝදනාව වනවා.
පසුගිය වසර 06 පුරා මෙම ක්‍රියාව සිදුව ඇති බවයි පැවසෙන්නේ.
