ආපනශාලා, කැෆේ – සමාජ ශාලා තුල භාවිත කරන මුහුදු ආහාර ගෙන්වන රට පිළිබඳ දැනුවත් කිරීමේ ලේබලයක් ප්‍රදර්ශණය කිරීමේ නව ක්‍රියාමාර්ගක් ෆෙඩරල් රජය ප්‍රකාශයට පත් කර තිබෙනවා.
පාරිභෝගිකයින්ට ඔවුන් අනුභව කරන මුහුදු ආහාර ඔස්ට්‍රේලියාවෙන් හෝ විදේශයෙන් පැමිණෙන්නේ දැයි දැන ගැනීමට එය සහතිකයක් වනු ඇති.
ඒ අනුව අදාළ මුහුදු ආහාර, නිශ්පාදනය කර ඇත්තේ ඔස්ටේ්‍රලියාව තුළ ද, විදේශ රටක ද එසේත් නැතිනම් රටවල් කිහිපයක එකතුවක් ද යන්න පැහැදිලිව දැනගැනීමට පාරිභෝගිකයින්ට හැකියාව පවතිනවා.
මේ අතර නව ක්‍රමවේදය ඔස්සේ දේශීය මත්ස්‍ය කර්මාණ්තයට වඩාත් වාසි අත්වනු ඇතැයි ධීවර සංගම් විශ්වාසය පල කර තිබෙනවා.
2024 වසරේ සිට පාරිභෝගිකයින් හට තමන් අනුභව කරන මුහුදු ආහාරවල අනන්‍යතාව දැනගැනීමේ හැකියාව ලැබෙනු ඇති.
කෙසේ වෙතත් ඉදිරියේ දී දේශිය මත්ස්‍ය නිශ්පාදන කෙරෙහි පාරිභොගිකයින් ගේ ඉල්ලුම වැඩිවිමක් අපේක්ෂා කරන අතර වඩාත් තිරසර මත්ස්‍ය කර්මාණ්තයටක් රට තුළ නිර්මාණය කිරීම ෆෙඩරල් රජයේ අරමුණයි.
