ඕස්ට්‍රේලියාව තුල අධික ලෙස බෝවන කොරෝනා වයිරස් ප්‍රභේදය සහිත ආසාදිතයින් වාර්තා වුවද එක්සත් රාජධානියේ සිට පැමිණෙන ගුවන් ගමන් තහනම් නොකරනු ඇත.
ගිනිකොනදිග එංගලන්තය පුරා පැතිරී ඇති COVID-19 බෝවන කොරෝනා වයිරස් ප්‍රභේදය හේතුවෙන් එක්සත් රාජධානියෙන් ගුවන් ගමන් තහනම් කිරීමට රටවල් ගණනාවක් තීරණය කර ඇත.
නමුත් ඕස්ට්‍රේලියානු බලධාරීන් පවසන්නේ ඔවුන් හදිසි වී දැඩි සීමාවන් පැනවීමට සැලසුම් නොකරන බවයි.
රටේ ප්‍රධාන වෛද්‍ය නිලධාරී Paul Kelly එම තීරණයට ප්‍රධාන හේතු ඉදිරිපත් කරනු ලැබුවා. ඔහු පවසන්නේ ඕස්ට්‍රේලියාවේ හෝටල් නිරෝධායන පද්ධතිය ‘ඉතා ආරක්ෂිත හා ඵලදායී’ බවයි.
මහාචාර්ය Kelly හෙළි කළේ COVID-19 හි මෙම විකෘති නව ප්‍රභේදය පිළිබඳ සිද්ධීන් හතරක් දැන් ඕස්ට්‍රේලියාවේදී අනාවරණය වී ඇති බවයි.
නමුත් ඔහු තර්ක කළේ විදේශීය සංචාරකයින්ට ඕස්ට්‍රේලියාවේ දින 14 ක් හෝටල් නිරෝධායනය සඳහා ගත කිරීමට සලසා ඇති ක්‍රමවේදය, අනෙකුත් බොහෝ රටවල්හි දේශසීමා එක්සත් රාජධානියට වසා දැමීමට වඩා දැඩි බවය.
“එක්සත් රාජධානියේ සිට යමෙකු එම වෛරසය සමඟ පැමිණියත්, එය ඕස්ට්‍රේලියානු හෝටල් නිරෝධායනය තුළම පාලනය වනු ඇත” ඔහු පැවසීය.
ඕස්ට්‍රේලියානුවන් 40,000 කට ආසන්න සංඛ්‍යාවක් තවමත් විදෙස් රටවලින් ආපසු පැමිණීමට බලාපොරොත්තු වන අතර, ඕස්ට්‍රේලියාවේ ජාත්‍යන්තර පැමිණීම් සීමා කර ඇති බැවින් ඕස්ට්‍රේලියානුවන් බොහෝ දෙනෙකුට තම මව් රටට ගුවන් ගමනක් ලබා ගැනීම දුෂ්කර වී තිබේ.
(9News)
