නත්තල් දින ආශ්‍රිතව ඔස්ට්‍රේලියාව තුළ පෙට්‍රල් මිළ ගණන්වල ඉහළයාමක් සිදුවිය හැකි බවට පුරෝකථනය කර තිබෙනවා.
කෙසේවෙතත් පසුගිය සැප්තැම්බර් මාසයේදී සිදුවූ ආකාරයෙන් වාර්තාගත අගයකට ඉහළ නොයනු ඇති බවයි පැවසෙන්නේ.
දෙසැම්බර් 03 වනදායින් අවසන් වූ සතියේදී ඔස්ට්‍රේලියාව පුරා පෙට්‍රල් ලීටරයක සාමාන්‍ය මිළ සටහන් වී ඇත්තේ ඩොලර් 01 යි ශත 92 ක් ලෙසයි.
වැඩිම මිළ ක්වීන්ස්ලන්ඩ් ප්‍රාන්තයෙන් වාර්තා වී ඇති අතර Northern Territory – දකුණු ඔස්ට්‍රේලියාව සහ වික්ටෝරියාවෙන්ද ඉහළ ඉන්ධන මිළ ගණනු සටහන් වී තිබුණා.
සාපේක්ෂව අඩුම මිළ නිවු සවුත් වේල්ස් ප්‍රාන්තයෙන් සටහන්වී ඇති අතර දෙවන අඩුම අගය වාර්තා වී ඇත්තේ බටහිර ඔස්ට්‍රේලියාවෙනුයි.
