ඔස්ට්‍රේලියාව විසින් සඳ මතට යවන පළමු රෝවරය රූ-වර් (Roo-ver) ලෙස නම් කිරීමට අවසන් අනුමැතිය ලැබී තිබෙනවා.
ඔන්ලයින් ක්‍රමයට පැවැත්වූ ඡන්ද විමසීමකදී 20,000 කට ආසන්න පිරිසකින් සියයට 35 ක් පමණ ඊට එකගතාවය පළකර ඇති බව සඳහන්.
තවත් නම් 04 ක්ද මෙම මත විමසුමට ඉදිරිපත් කර තිබූ නමුත් ඒවා හිමිකරගෙන ඇත්තේ අඩු ඡන්ද ප්‍රතිශතයන් බවයි පැවසෙන්නේ.
නාසා ආයතනය සමග ඒකාබද්ධව සිදුකරන මෙහෙයුමකදී 2026 වසරේදී රූ-වර් රෝවරය චන්ද්‍රයා වෙතට යැවීමට නියමිතයි.
එහි බර කිලෝ 20 කට ආසන්න වන අතර සඳ මතුපිට ඇතැ විවිධ පාෂාණ කොටස් එක් රැස් කිරීමයි භට පැවරී ඇති ප්‍රධාන කාර්යය වන්නේ.
