දැනුම්දීමකින් තොර සේවක වැටුප් කප්පාදුවට Woolworths ට නඩු

කිසිදු දැනුම්දීමකින් තොරව සේවකයින්ගේ වැටුප් කප්පාදු කිරීම හේතුවෙන් සිල්ලර හා ක්ෂණික ආහාර සේවක සංගමය, Woolworths පාලනාධිකාරියට එරෙහි ෆෙඩරල් අධිකරණයේ නඩු පවරා තිබෙනවා.

2021 වසරේ කොවිඩ් වසංගත කාලසීමාව තුළ වික්ටෝරියා සහ ටස්මේනියාවේ Woolworths වෙළඳසැල් 100 ක සේවකයින් 1400කට පෙර දැනුම් දීමකින් තොර සේවා මුර මාරු කිරීමටයි පාලනාධිකාරිය පියවර ගෙන ඇත්තේ.

සේවකයින් හට ආහාර විවේකය සඳහා වු කාලය සීමා කිරිම ඇතුලු සේවා කොන්දේසි රැසක් කප්පාදු කිරීමට පාලනාධිකාරිය කටයුතු කර ඇති බව සඳහන්.

මේ හේතුවෙන් ඇතැම් Woolworths පූර්ණ කාලීන කාර්ය මණ්ඩල සේවකයින් සඳහා වසරකට ඩොලර් 30,000 ක් දක්වා වැටුප් කප්පාදුවක් සිදු ව ඇති බවයි වාත්තීය සමිති චෝදනා කරන්නේ.

මෙලෙස අගතියට පත් සේවකයින් සඳහා හිමි හිග වැටුප් හා දැනට සේවයෙන් ඉවත් කර ඇති සේවකයින් සඳහා අවශ්‍ය වන්දි ලබා දෙන ලෙසයි වෘත්තීය සමිති අධිකරණය හමුවේ සඳහන් කර ඇත්තේ.

මේ සම්බන්ධයෙන් Woolworths පාලනාධිකාරිය සමග කළ විමසීම් වලදී සේවකයින් සේවයෙන් පහ කිරිම් පිළිබඳ පැමිණිලි ඉදිරිපත්ව ඇති අතර අගතියට පත් සේවකයින්ගෙ අත්සන් සහිත ලිපියක් ද ෆෙඩරල් අධිකරණය වෙත ඉදිරිපත් කර තිබෙනවා.

මහ සයුර මැද අසාධ්‍ය වූ ධීවරයා බේරා ගත් හෙලිකොප්ටර් මෙහෙයුම

ධීවර කටයුතුවල නිරත වෙමින් සිටියදී සාගරයේ සිටින සර්ප විශේෂයක දෂ්ඨනයක් හේතුවෙන් අසාධ්‍ය තත්වයට පත්වූ ධීවරයෙකු ප්‍රතිකාර සඳහා හෙලිකොප්ටර් මගින් ගොඩබිම වෙත රැගෙන විත් තිබෙනවා.

Read More »

වික්ටෝරියා ප්‍රාන්තයට ගේන්න ගිය මුදල් තොගය මග නතර වෙයි

ගෝල්ඩ් කෝස්ට් සිට මිල්ජුරා (Mildura) දක්වා ගමන් කිරීමට නියමිතව තිබූ ගුවන් යානයකට ඩොලර් 830,000ක මුදල් රැගෙන යාමට උත්සාහ කළ බව කියන පුද්ගලයෙක් ආරක්ෂක අංශ විසින් අත්අඩංගුවට ගෙන තිබෙනවා.

Read More »