පැය 24 ක වර්ජන ක්රියාමාර්ග මාලාවකට යොමුවීමට වර්ජින් ගුවන් සේවයේ වෘත්තීය සමිති සැළසුම් කර තිබෙනවා.
ඊයේ පැවති අභ්යන්තර ඡන්ද විමසීමකදී සියයට 98 කට වැඩි පිරිසක් ඊට පක්ෂව ඡන්දය ලබාදී ඇති බව සඳහන්.
මෙම වෘත්තීය ක්රියාමාර්ගත් සමග නත්තල් දිනවල ගුවන් ගමන්වල නිරතවන විශාල පිරිසකට දැඩි බාධා එල්ලවනු ඇති බවටයි අනතුරු ඇගවෙන්නේ.
ඉහළ වැටුප් සහ සේවා ගුණාත්මක භාවය ඉහළ දමන ලෙස ඉල්ලමිනුයි වර්ජින් වෘත්තීය සමිති මෙම වර්ජන මාලාව සැළසුම් කර ඇත්තේ.
වසර 03 ක් තුළදී සියයට 15 ක් හෙවත් ඩොලර් මිලියන 50 ක් වෙන් කෙරෙන වැටුප් වැඩිවීම වෘත්තීය සමිති විසින් ප්රතික්ෂේප කර තිබෙනවා.
ඒ වෙනුවට සියයට 29 ක වැටුප් වැඩිවීමක් අවශ්ය බවයි ඔවුන් අවධාරණය කර සිටින්නේ.
ලබන සිකුරාදා දිනයේදී පාලනාධිකාරිය සමග පැවැත්වෙන තීරණාත්මක සාකච්ඡාවකින් අනතුරුව මේ සම්බන්ධ අවසාන තීන්දුවක් ගැනීමට නියමිතයි.
