හදිසි අවස්ථාවකදී කුඩා ළමුන් අවධි කිරීමට සාමාන්‍ය ගිනි අනතුරු ඇගවීම් සංඥාවලට (smoke alarms) නොහැකි බව අධ්‍යයනයකදී අනාවරණය වී තිබෙනවා.
දැනට වෙළඳපොළෙහි අලෙවි වන smoke alarms හි සාමාන්‍ය ශබ්දය ඩෙසිබල් 75 ක් පමණ වනවා.
එහෙත් ළමුන් 10 දෙනෙකුගෙන් 08 දෙනෙකු අවධි කිරීමට එම ශබ්දය ප්‍රමාණවත් නොමැති බවයි වික්ටෝරියා විශ්ව විද්‍යාලය සිදුකර ඇති අධ්‍යයනයකදී අනාවරණය වී ඇත්තේ.
විශේෂයෙන් රාත්‍රී කාලයේ ගැඹුරු නින්දක සිටින විට ගින්නක් හටගත් අවස්ථාවකදී මෙය අතිශය අනතුරුදායක බවයි පර්යේෂකයන් පෙන්වා දෙන්නේ.
smoke alarms සම්බන්ධයෙන් ක්වීන්ස්ලන්ඩ් ප්‍රාන්තය විසින් මේ වනවිටත් නව රෙගුලාසි පණවා තිබෙනවා.
ඒ අනුව කිසියම් නිවසක දැනට සවිකර ගිනි අනතුරු ඇගවීම් සංඥාවසර 10 කට වඩා පැරණි නම් ඒවා ඉවත් කර නව සංඥා සවි කිරීම අනිවාර්යයි.
