NSW පරිපූරක වෛද්‍යවරුන්ගෙන් ප්‍රාන්ත රජයට අනතුරු ඇගවිමක්

වැටුප් විශමතා ගැටලු සඳහා විසඳුම් නොදෙන්නේ නම් වෘත්තීය ක්‍රියාමාර්ග වෙත අවතීර්ණ වන බව නිව් සවුත් වේල්ස් පරිපූරක වෛද්‍යවරුන්ගේ සංගමය ප්‍රාන්ත රජයට අනතුරු ඇගවිමක් කර තිබෙනවා.

වෘත්තීය සමිති සහ ප්‍රාන්ත රජය අතර වැටුප් සාකච්ඡා අසාර්ථක වීම හේතුවෙන් පරිපූරක වෛද්‍යවරුන් 2000කට වැඩි පිරිසක් නැවත ලියාපදිංචි වීම ප්‍රතික්ෂේප කර ඇති බවයි වාර්තා වන්නේ.

අදාළ වෘත්තීය ක්‍රියාමාර්ග ලබන ජනවාරි පළමුවනවා සිට ආරම්භ කිරීමට සැලසුම් කර ඇති අතර මේ හේතුවෙන් ප්‍රාන්තයේ හදිසි සේවා වලට බලපතල තර්ජනයක් සිදුවිය හැකි බව සඳහන්.

වැටුප් විශමතා ඇතුලු ඉල්ලීම් ලබා දීම සඳහා ප්‍රමාණයත් මුදලක් ප්‍රාන්ත රජය සතු නොවන බවයි බලධාරීන් අවධාරණය කර ඇත්තේ.

ඒ අනුව සෞඛ්‍ය සේවා සංගම් සියයට 20ක වැටුප් වැඩිවීමක් අපේක්ෂා කරන අතර ඉදිරි වසර දෙකක කාලය තුළ අමතර සියයට 4කට වැටුප් වැඩිවීමක් අවශ්‍ය බව සඳහන් කර තිබෙනවා.

කෙසේ වෙතත් වැටුප් පිළිබඳ සාකච්ඡා ලබන සතියේ යළි ආරම්භ කිරීමට නියමිත අතර වැටුප් විශමතා සම්බන්ධ සාකච්ඡා මාස 8කට වැඩි කාලයක් සිට පැවති බවයි සඳහන් වන්නේ.

මෙල්බන් ඇතුලු ප්‍රදේශ රැසක කාලගුණ වෙනසක් ගැන දැනුම්දීමක්

මෙම සති අන්තයේ ඔස්ට්‍රේලියාවේ ගිනිකොන දෙසින් ඇති වන කාලගුණික වෙනසක් හේතුවෙන් වසර පහකට පසු මෙල්බන් සහ ඒ අවට කලාපයේ සිසිල්ම දින කිහිපය වනු ඇති බවට කාලගුණ අංශ අනාවැකි පල කර තිබෙනවා.

Read More »

වාර්තාවක් තබමින් ශ්‍රී ලංකා කණ්ඩායමට ගෙදර එන්න වෙයි

2024 T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකාව ඉවතට විසිවී ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.

Read More »