වික්ටෝරියා ප්රාන්තයේ භාවිතයට ගෙන නොමැති ඉඩම් හා දේපළවලින් අය කෙරෙන බද්ද 03 ගුණයකින් ඉහළ දැමීමට ප්රාන්ත රජය තීරණය කර තිබෙනවා.
ඒ අනුව මෙල්බන් නගරයේ කලාප 02 ක ඇති මාස 06 කට වැඩි කාලයක් භාවිතයට ගෙන නොමැති ඉඩම් සහ දේපළවලින් දැනට අය කෙරෙන සියයට 01 ක බද්ද, සියයට 02 ත් 03 ත් අතර දක්වා ඉහළ දැමෙනු ඇති.
වසර 02 ක් භාවිතයට ගෙන නොමැති නම් සියයට 02 ක් දක්වාද, වසර 03 ක් හෝ ඊට වැඩි කාලයක් භාවිතයට ගෙන නොමැති නම් සියයට 03 ක් දක්වාද ලෙස එම බදු අගයන් වැඩි කිරීමටයි නියමිතව ඇත්තේ.
2025 වසර වනවිට සමස්ත වික්ටෝරියා ප්රාන්තය පුරා මෙම රෙගුලාසිය බලාත්මක කිරීමයි ජසින්ටා ඇලන් ප්රාන්ත රජයේ අපේක්ෂාව වන්නේ.
මෙම නව සංශෝධන ඉදිරි දිනවලදී වික්ටෝරියා ප්රාන්ත පාර්ලිමේන්තුව තුළදී සම්මත කරගැනීමට නියමිත අතර දැනට පවතින උග්ර නිවාස අර්බුදය විසඳීම මෙහි ප්රධාන අරමුණයි.
