නාසි ආචාරය සමස්ත ඔස්ට්‍රේලියාව තුළ අපරාධමය වරදක් බවට පත් කිරීමේ සූදානමක්

රට තුළ යුදෙව් විරෝධී ක්‍රියා සහ වර්ගවාදය ඉහළ යෑමත් සමග නාසි ආචාරය අපරාධමය වරදක් බවට නම් කිරීම කෙරෙහි ෆෙඩරල් රජයේ අවධානය යොමුවී තිබෙනවා.

නීතිපති මාර්ක් ඩ්‍රේෆස් සඳහන් කර ඇත්තේ සමස්ත රට තුළ නාසි ආචාර ධර්ම ක්‍රියාත්මක කිරීම සාපරාධි වරදක් බවට ඉදිරියේ දී ප්‍රකාශ කිරීමට නියමිත බවයි.

දැනට එක් එක් ප්‍රාන්ත මට්ටමින් නාසි සංකේත ප්‍රදර්ශනය හා භාවිතයට අදාළව විවිධ සීමා පණවා ඇතත් සමස්ත රටටම බලපාන අයුරින් පොදු නීතියක් බලපැවැත්වෙන්නේ නැහැ.

මෙම වසර මුලදී ෆෙඩරල් රජය විසින් නාසි සංකේත ප්‍රදර්ශණය සහ නාසි ලාංඡන සහිත භාණ්ඩ විකි”ම තහනම් කිරීමට අදාළ නීති සම්පාදනය කරන බව නිවේදනය කර තිබුණා.

එම නීති බලාත්මක කරමින් ඉදිරියේ දී රට තුළ නාසි ආචාර ක්‍රියාවට නැංවීම් ඇතුලූ වෛරය, ප්‍රචණ්ඩත්වය සහ යුදෙව් විරෝධි ක්‍රියා සඳහා කිසිදු අවස්ථාවක් හිමි නොවනු ඇති.

මීට සමගාමීව ඔස්ට්‍රේලියාව තුළ ක්‍රියාත්මක විවිධ සංවිධාන සිය ගණනක් යුදෙව් විරෝධය සහ වර්ගවාදය හෙළා දකිමින් ලිපියකට අත්සන් කර ඇති බවද සඳහන්.

යුදෙව් සහ ඉස්ලාමීය කණ්ඩායම් පවසන්නේ රට තුළ යුදෙව් විරෝධය සහ ඉස්ලාම් භීතිකාව විශාල වශයෙන් ඉහළ ගොස් ඇති බවයි.

පසුගිය සති 07 ක කාලසීමාව තුළ ඔස්ට්‍රේලියාවේ සිදුවු යුදෙව් විරෝධී සිදුවීම් ගණන සියයට 482 කින් ඉහළ ගොස් ඇති අතර වර්තමාකය වන විට එම අගය සියයට 591 ක් දක්වා ඉහළ ගොස් ඇති බව සඳහන්.

රටවල් කිහිපයක සිටින ඔස්ට්‍රේලියා පුරවැසියන්ට විශේෂ දැනුම්දීමක්

ඉරානය, ඊශ්‍රායලය සහ පලස්තීනයේ ගැටුම් පවතින ප්‍රදේශවල සිටින ඔස්ට්‍රේලියානුවන්ට රජය විසින් ආරක්‍ෂිත උපදෙස් නිකුත් කර තිබෙනවා.

Read More »

ඉරානයේ ප්‍රහාරයට ඊශ්‍රායලයෙන් ප්‍රති ප්‍රහාරයක්

ඉරානයේ න්‍යෂ්ටික බලාගාර කිහිපයක්ම ඇති නගරයකට ඊශ්‍රායලය විසින් මිසයිල ප්‍රහාරයක් එල්ලකර ඇති බව විදෙස් මාධ්‍ය වාර්තා කර තිබෙනවා.

Read More »

රුසියාවේ ආක්‍රමණයට එරෙහිව ඔස්ට්‍රේලියාවෙන් යුක්රේනයට සහනයක්

රුසියාව විසින් යුක්‍රේනය ආක්‍රමණය කිරීමට විරෝධය දැක්වීමේ පියවරක් ලෙස ඔස්ට්‍රේලියානු රජය යුක්රේන භාණ්ඩ සඳහා තීරු බදු සහන දීර්ඝ කිරීමට තීරණය කර තිබෙනවා.

Read More »