ගතවූ මාස 12 තුළදී ඔස්ට්‍රේලියාව තුළ වැඩිම සහ අඩුම වැටුප් වැඩිවීම් හිමිවූ ක්ෂේත්‍ර ප්‍රකාශයට පත් කර තිබෙනවා.
සමාජ සේවා සහ සංවර්ධන ක්ෂේත්‍රයන් ආශ්‍රිත රැකියාවන් හී වැටුප සියයට 08 කින් ඉහළ ගොස් ඇති අතර කලා සහ මාධ්‍ය ක්ෂේත්‍රයන් හී වැටුප් වැඩිවීම සියයට 5.8 ක්.
අධ්‍යාපනය සහ පුහුණු ක්ෂේත්‍රයන් හි සියයට 5.7 කින් ද / දේපල – සිල්ලර වෙළඳාම් සහ නිශ්පාදන ක්ෂේත්‍රයන්හි වැටුප සියයට 05 කින්ද ඉහළ ගොස් ඇති බව සඳහන්.
මේ අතර එම කාලසීමාව තුළ මන්දගාමී වැටුප් වර්ධනයක් පෙන්නුම් කළ ක්ෂේත්‍ර අතරට තොරතුරු තාක්ෂණ, සන්නිවේදන සහ සංචාරක ක්ෂේත්‍ර ඇතුළත් වන අතර එම වර්ධන අගය සියයට 1.6 ත් සියයට 2 ත් අතර පසුවුණා.
ඔස්ට්‍රේලියානුවන්ගේ වැටුප පසුගිය ඔක්තෝම්බර් මස සියයට 0.3 කින් ඉහළ ගොස් ඇති බව ප්‍රමුඛතම රැකියා වෙබ් අඩවියක් වන SEEK විසින් හෙළිදරව් කර තිබෙනවා.
මේ අතර පසුගිය සැප්තැම්බර් මස වැටුප් අගය සියයට 0.4 කින් ද ජූලි සහ අගෝස්තු වැටුප සියයට 0.5 කින්ද පහත වැටී ඇති බව සඳහන්.
ඒ අනුව ඔස්ට්‍රේලියානුවන්ගේ වැටුප් වැඩිවිම වේගවත් සහ මන්දගාමී අන්ත අතර දෝලනය වන බවයි SEEK ආයතනය පවසන්නේ.
