තනි භාවිත ඉලෙක්ට්‍රොනික දුම්වැටි ඔස්ට්‍රේලියාවට ආනයනය ලබන ජනවාරි 01 දා සිට බලපැවැත්වෙන පරිදි තහනම් කර තිබෙනවා.
ඊ-දුම්වැටි සම්බන්ධයෙන් ෆෙඩරල් රජය ගනු ලබන දැඩි ක්‍රියාමාර්ග මාලාවේ පළමු පියවර ලෙසයි එය ක්‍රියාත්මක කරනු ලබන්නේ.
මීට සමගාමීව විවිධ රසයන්ගෙන් යුත් ඊ-දුම්වැටි සහ ඒවායෙහි අඩංගු නිකොටීන් ප්‍රමාණයන් පිළිබඳ නව රෙගුලාසි මාලාවක්ද ඉදිරියේදී ප්‍රකාශයට පත් කෙරෙනු ඇති.
ඊ-දුම්වැටි සඳහා නිර්දේශ නිකුත් කිරීමට වෛද්‍යවරුන්ට පවතින බලතල ක්‍රමවේදයට සංශෝධන හඳුන්වාදීමක්ද සිදුකිරීමට නියමිතයි.
ඔස්ට්‍රේලියා තරුණ ජනගහණයෙන් 1/4 ක් පමණ ඉලෙක්ට්‍රොනික දුම්වැටි භාවිතයට පෙළඹී ඇති බවද අවුරුදු 14 ත් 24 ත් අතර වයස් කාණ්ඩයේ එය අනතුරුදායක මට්ටමක් කරා එළැඹී ඇති බවද මෑතකදී සිදුකල සමීක්ෂණයකදී අනාවරණය වී තිබුණා.
