මෙවර ඔස්ට්‍රේලියා කාන්තා බිග්බෑෂ් ලීග් තරගාවලියේ වීරයා ලෙස සිඩ්නි තන්ඩර්ස් කණ්ඩායමේ ඉදිරිපෙළ පිතිකාරිණියක වන චමරි අතපත්තු නම් කර තිබෙනවා.
සමස්ත තරගාවලිය පුරා ඇය විසින් ළකුණු 511 ක් රැස්කර තිබූ අතර 06 පහර 17 ක් සහ හතරේ පහර 69 ක් ඒ අතර වුණා.
චමරි විසින් කඩුලු 09 ක් බිඳ හෙලා තිබූ අතර එහි හොඳම දක්ෂතාවය සටහන් වූයේ සිඩ්නි සික්සර්ස් කණ්ඩායමට එරෙහිව ළකුණු 20 කට කඩුලු 03 ක් බිඳ හෙළීමයි.
ඇය විසින් උඩ පන්දු 08 ක් ද මෙවර ඔස්ට්‍රේලියා කාන්තා බිග්බෑෂ් ලීග් තරගාවලියේදී ලබාගෙන තිබුණා.
චමරි අතපත්තු නියෝජනය කරන්නේ සිඩ්නි තන්ඩර්ස් කණ්ඩායමයි.
