නිව් සවුත් වේල්ස් ප්රාන්තයෙන් කොරෝනා සබඳතා සිය ගණන් සොයා ගත්ත ද COVIDSAFE app එක මේ සඳහා දායක වී නොමැත.
නිව් සවුත් වෙල්ස් ප්රාන්තයෙන් කොරෝනා රෝගීන් 71 ක් සහ සම්බන්ධතා සිය ගණනක් හඳුනාගෙන ඇති අතර COVIDSAFE app එකෙන් කිසිවක් සොයාගත නොහැකි විය.
කැන්බරා හි නත්තල් කාලය ගත කිරීමට සූදානම් වන ඕස්ට්රේලියානු අගමැති පවසන්නේ නිව් සවුත් වෙල්ස් ප්රාන්තයේ පවතින කොරෝනා තත්වය මැඩ පවත්වා ගැනීමට හැකි වේ යැයි තමා විශ්වාස කරන බවයි.
කොරෝනා වයිරසයේ ආශ්රිතයින් සිය ගණන් හඳුනා ගැනීමේදී රජයේ ඩොලර් මිලියන ගණනක COVIDSAFE යෙදුම කිසිඳු ආකාරයකින් උදව් වී නොමැති බව කාගේත් පුදුමයට කරුණක් වී ඇති බවට සඳහන්.
මේ සතියේ NSW හි කොරෝනා වයිරස් රෝගීන් 71 ක් හඳුනාගෙන ඇති අතර සම්බන්ධතා සිය ගණනක්, කෙසේ වෙතත් යෙදුම එක් සම්බන්ධතාවයක් සොයා ගැනීමට උදව් කර නැත.
අප්රේල් මාසයේ සිට වික්ටෝරියා හි විනාශකාරී කොරෝනා රැල්ල අතරතුර සම්බන්ධතා 17 ක් සොයා ගැනීමට COVIDSAFE උදව් කර ඇත.
ඕස්ට්රේලියානු රජය පවසන පරිදි මෙම යෙදුම දැන් යාවත්කාලීන කර ඇත.
මීට පෙර, ඔබ සතුව COVIDSAFE app තිබුනද ෆේස්බුක් වැනි වෙනත් යෙදුමක් භාවිතා කර ඇත්නම් හෝ ඔබේ දුරකථනය අගුළු (lock) දමා තිබේ නම් බ්ලූටූත් වැඩ කරන්නේ කාලයෙන් සියයට 25 ක් පමනි. එනම් ඒ අතරතුර කාලයේ කොරෝනා සම්බන්ධතා හතරෙන් තුනක්ම මග හැරිය හැක.
රජය පවසන්නේ නව බ්ලූටූත් ක්රමවේදය මඟින් COVIDSAFE යෙදුම දැන් 99% ක සම්බන්ධතාවන් සොයා ගැනීමට හැකි වන බවයි.
“මෙය මෙවලමක්. එය අපගේ සම්බන්ධතා සොයා ගැනීමට සහාය වීම සඳහා ඇති බොහෝ මෙවලම්වලින් එකක්” යැයි වැඩබලන ප්රධාන සෞඛ්ය නිලධාරී මහාචාර්ය පෝල් කෙලී පැවසීය.
මෙම යෙදුමට අවම වශයෙන් ඩොලර් මිලියන 16 ක් වැය වී ඇති බව සඳහන් වේ.