අනවසර සංක්‍රමණිකයන් දින නියමයක් නොමැතිව රඳවා ගැනීම නීති විරෝධී බවට මහාධිකරණය දුන් තීන්දුවට අනුව නීති බලගැන්වීම් ආයතන වෙත ඩොලර් මිලියන 255 ක ප්‍රතිපාදන වෙන් කිරීමට ෆෙඩරල් රජය තීරණය කර තිබෙනවා.
ඔස්ටේ්‍රලියානු දේශ සීමා ආරක්ෂණ බලකාය – ෆෙඩරල් පොලිසිය සහ සෙසු පාර්ශව වෙත එම මුදල් බෙදා හැරිමටයි නියමිතව ඇත්තේ.
රැඳවුම් භාරයෙන් නිදහස් කල අනවසර සංක්‍රමණිකයන් හමුවේ සාමාන්‍ය ජනතාවගේ ආරක්ෂාවට පවතින තර්ජන වළක්වාලීම සඳහා මෙම මුදල් යෙදවෙනු ඇති.
වැඩිම මුදල වන ඩොලර් මිලියන 150 ක් වෙන් කර ඇත්තේ ඔස්ටේ්‍රලියානු දේශ සීමා බලකාය වෙනුවෙනුයි.
අමතර නිළධාරීන් බඳවා ගැනීම – වෙරළාශ්‍රිත ප්‍රදේශවල ආවේක්ෂණ කටයුතු පුලුල් කිරීම වැනි දෑ සඳහා එම මුදල් යෙදවීමට නියමිතයි.
ඔස්ටේ්‍රලියානු ෆෙඩරල් පොලිසිය සඳහා ඩොලර් මිලියන 88 ක මුදලක් වෙන් කර ඇති අතර වීසා කොන්දේසි කඩ කරන පිරිස් හඳුනාගැනීමට එහිදී මූලික වශයෙන් අවධානය යොමු කිරීමට නියමිතයි.
