NSW නීති විරෝධී e-දුම්වැටි පාලනයට $ මිලියන 6.8 ක්

නිව් සවුත් වේල්ස් ප්‍රාන්තයේ නීති විරෝධී ඉලෙක්ට්‍රොනික දුම්වැටි අලෙවිය සහ භාවිතය පාලනයට නීති දැඩි කිරීමට තීරණය කර තිබෙනවා.

ඉදිරි වසර තුනක කාලය තුළදී ඒ වෙනුවෙන් ඩොලර් මිලියන 6.8 මුදලක් වෙන් කිරීමටයි ප්‍රාන්ත බලධාරීන් පියවර ගෙන ඇත්තේ.

එම මුදලින් ඩොලර් මිලියන 4.3 ක් අදාළ වැටලීම් සදහා ද ඉතිරි ඩොලර් මිලියන 2.5 ඉලෙක්ට්‍රොනික දුම්වැටි සදහා ඇබ්බැහිවුවන් මුදවා ගැනීමේ සහන සේවා වෙත ද යොමු කිරීමට නියමිතයි.

සමීක්ෂකයින් පෙන්වා දෙන්නේ තරුණ ප්‍රජාව අතර සීඝ්‍ර ලෙස ඉලෙක්ට්‍රොනික දුම්වැටි භාවිතය ඉහළ ගොස් ඇති බවයි.

ඒ අනුව ඉලෙක්ට්‍රොනික දුම්වැටි සදහා ඇබ්බැහි වු තරණ ප්‍රජාව ආරක්ෂා කරගනිමින් ඔවුන්ගේ සෞඛ්‍ය තත්වය නංවාලීම එහි අරමුණයි.

නිව් සවුත් වේල්ස් ප්‍රාන්තයේ පසුගිය වසරේ අත්අඩංගුවට ගත් නීති විරෝධී ඉලෙක්ට්‍රොනික දුම්වැටි ප්‍රමාණය 61,000 කට ආසන්න වන අතර මෙම වසරේ මේ දක්වා කාලයේදී අත්අඩංගුවට ගත් ප්‍රමාණය 187,000 දක්වා වර්ධනය වී තිබෙනවා.

මෙලෙස අත්අඩංගුවට ගත් භාණ්ඩවල වටිනාකම ඩොලර් මිලියන 11.8 ක්.

මේ අතර ඉලෙක්ට්‍රොනික දුම්වැටි භාවිතයෙන් තරුණ ප්‍රජාව දැනුවත් කිරීම සදහා ඩිජිටල් වේදීකාවක් ද නිර්මාණය කර තිබෙනවා.

සෞඛ්‍ය අංශ පෙන්වා දෙන්නේ ඉලෙක්ට්‍රොනික දුම්වැටි සදහා ඇබ්බැහි වු තරණ ප්‍රජාව අතර පෙනහලූ ආශ්‍රිත ආබාධ, අක්ෂි ආබාධ බහුලව දක්නට ලැබෙන බවයි.

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්නිව් සවුත් වේල්ස් ප්‍රාන්තයේ ඉන්ෆ්ලුවෙන්සා රෝගීන් සංඛ්‍යාව සියයට 33කින් ඉහළ ගොස් තිබෙනවා.

Read More »

උත්සවවලට අවශ්‍යම වන ද්‍රව්‍ය කිහිපයකට NSW ප්‍රාන්ත කවුන්සිලයකින් තහනමක්

නිව් සවුත්වේල්ස් ප්‍රාන්තයේ බයිරන් බේ කවුන්සිලය විසින් සැරසිලි ද්‍රව්‍ය කිහිපයක් සඳහා තහනමක් පැනවීමට පියවර ගෙන තිබෙනවා.

Read More »

හැමෝටම බලපාන හේතුවක් නිසා ඔස්ට්‍රේලියාවේ නගර කිහිපයක් මුල් තැනට එයි

එළඹෙන මූල්‍ය වර්ෂයේදී නිවාස මිල වැඩි වශයෙන් ඉහළ යන නගර අතුරින් පර්ත්, ඇඩිලේඩ්, සිඩ්නි සහ බ්‍රිස්බේන් මුල් තැනට පත්වනු ඇතැයි නව සමීක්ෂණ මගින් තහවුරු වී තිබෙනවා.

Read More »

රුධිර පරිත්‍යාගයෙන් මෙල්බන් පදිංචිකරුවෙක් වාර්තාවක් පිහිටුවයි

877 වන වරටත් රුධිරය පරිත්‍යාග කිරීමෙන් පසු මෙල්බර්න් නගරයේ ජීවත් වන පුද්ගලයෙක් ඔස්ට්‍රේලියාවේ වඩාත්ම ක්‍රියාකාරී රුධිර පරිත්‍යාගශීලියා බවට පත් වී තිබෙනවා.

Read More »