ප්‍රාන්ත රජයට ආදායම අහිමිවන ආකාරයේ වෘත්තීය ක්‍රියාමාර්ගයකට යොමුවීමට වික්ටෝරියා පොලිස් නිලධාරීන් සූදානම් වනවා.
ඒ අනුව වේග සීමා කැමරා ඇති ස්ථාන පිළිබඳ කලින් රියදුරන් දැනුවත් කිරීමටයි ඔවුන් තීරණය කර ඇත්තේ.
රතු පැහැති ආලෝකයකින් සහ කැමරා ආසන්නයේ සිය වාහන නතර කර තැබීමෙන් එම දැනුම්දීම රියදුරන් වෙත සිදුකිරීමට ඔවුන් පියවර ගෙන තිබෙනවා.
පොලිස් සංගමයේ නිළධාරීන් අතර ඊයේ පැවති ඡන්ද විමසීමේදී මෙම යෝජනාවට පක්ෂව සියයට 99 ක් ඡන්දය භාවිත කර තිබුණා.
සියයට 04 ක වැටුප් වර්ධකයක් / සේවා කොන්දේසි ඉහළ දැමීම සහ පැය 09 ක සේවා මුරයක් ඉල්ලමිනුයි වික්ටෝරියා පොලිස් නිළධාරීන් මෙම වෘත්තීය ක්‍රියාමාර්ගයට සූදානම් වන්නේ.
