ක්වන්ටාස් ගුවන් සේවයේ හිටපු ප්‍රධාන විධායක නිළධාරී ඇලන් ජොයිස් හට තවත් ඩොලර් මිලියන ගණනක් වටිනා ප්‍රසාද දීමනා පැකේජයක් හිමිවීමට නියමිතව තිබෙනවා.
ඒ අනුව ජොයිස් ට අමතර ඩොලර් මිලියන 06 ක ප්‍රසාද දීමනාවක් හිමිවන අතර ගතවූ වසරක කාලයට අදාළව ඔහුට ලැබෙන මුලූ මුදල ඩොලර් මිලියන 28 ඉක්මවනු ඇති.
ඇලන් ජොයිස් හට ප්‍රසාද දීමනාවක් ලබා දීම සම්බන්ධයෙන් ක්වන්ටාස් කාර්ය මණ්ඩලයෙන් දැඩි විවේචන මතුව ඇති බවයි වාර්තා වන්නේ.
කොවිඩ් වසංගත සමයේ නීතිවිරෝධී ලෙස සේවකයින් 1700 දෙනෙකු සේවයෙන් පහ කිරීමත් – නීති විරෝධි අයුරින් ගුවන් ප්‍රවේශපත් විකිණීම ඇතුලූ චෝදනා රැසක් ඇලන් ජොයිස්ට විරුද්ධව ඉදිරිපත්ව තිබුණා.
වසර 15 කට අධික කාලයක් පුරා ක්වන්ටාස් ගුවන් සේවයේ දැරූ විවිධ තනතුරුවලට අදාළව ඇලන් ජොයිස් ට ලැබුණු මුලූ ඉපැයීම ඩොලර් මිලියන 150 ඉක්මවා තිබෙනවා.
