ඔස්ට්‍රේලියාවේ ගුවන් ගමන් බාධා දෙසැම්බර් දක්වා පවතිනු ඇති බවට අනාවැකි

කාළගුණික විපර්යාස හේතුවෙන් ඔස්ට්‍රේලියාවේ ගුවන් ගමන් සඳහා බාධා එල්ලවීම ලබන දෙසැම්බර් මස දක්වා පවතිනු ඇති බවට අනාවැකි පළවනවා.

ගුවන් සමාගම් විශේෂඥයින් පෙන්වා දෙන්නේ ඒ අනුව ගුවන් ගමන්වාර ප්‍රමාද කිරීම සහ අවලංගු කිරීම් අඛණ්ඩව පවතිනු ඇති බවයි.

මේ වන විට ගුවන් ගමන්වාර වලින් සියයට 30 කට වැඩි ප්‍රමාණයක් ප්‍රමාද වී ඇති අතර ඇතැම් ගුවන් ගමන් අවලංගු කිරීමටයි බලධාරීන් පියවර ගෙන ඇත්තේ.

යටිතල පහසුකම් හා ප්‍රවාහන ආර්ථික කාර්යාංශ දත්ත අනුව ක්වන්ටාස් ගුවන් සමාගම පසුගිය ඔක්තෝබර් මස ගුවන් ගමන් වලින් සියයට 4.3 ක් අවලංගු තර ඇති අතර ජෙට් ස්ටාර් ගුවන් සේවය නියමිත වේලාවට ගුවන්යානා පැමිණීම අතින් වඩාත් දුර්වල තත්වයක සේවාවක් ලෙස නම් කර තිබෙනවා.

මේ හේතුවෙන් ගුවන් මගීන් ගුවන්තොටුපල පරිශ්‍රතුල දැඩි අපහසුතාවකට පත්ව ඇති අතර වැඩි කාලයක් රැදී සිටීමට සිදුව ඇති බව සඳහන්.

සිඩ්නි සිට ආමිඩේල් දක්වාත් මෙල්බන් සිට සිඩ්නි දක්වා මාර්ගයත් වැඩිම බාධාවන්ට ලක්වන ගුවන් මාර්ග 02 ලෙසයි හඳුනාගෙන ඇත්තේ.

කෙසේ වෙතත් එළඹෙන උත්සව සමයට සමගාමීව සිදුවිය හැකි බාධා අවම කිරීම සඳහා ක්වන්ටාස් හා වර්ජීන් ගුවන් සේවා විසින් අමතර කාර්ය මණ්ඩල යෙදවීම් සහ අමතර ගුවන් යානා සුදානම් කර තැබීමට පියවර ගෙන ඇති බවයි වාර්තා වන්නේ.

සිඩ්නි වෙස්ට්ෆීල්ඩ් සාප්පු සංකීර්ණයේ පිහි ඇනුමෙන් 7ක් ජීවිතක්ෂයට

සිඩ්නි හි නැගෙනහිර වෙස්ට්ෆීල්ඩ් බොන්ඩි හන්දියේ සාප්පු මධ්‍යස්ථානයේදී සිදු වූ පිහි ඇනුමෙන් සහ වෙඩි තැබීමෙන් ප්‍රහාරකයා ඇතුලු පුද්ගලයන් 7දෙනෙකු මියගොස් තිබෙනවා.

Read More »

සිඩ්නි සාප්පු සංකීර්ණයේ පිහි ඇනුමෙන් 4ක් ජීවිතක්ෂයට පත්වී ඇතැයි තොරතුරු

සිඩ්නි වෙස්ට්ෆීල්ඩ් හි සාප්පු සංකීර්ණයක සිදු වූ පිහි ඇනුම් සහ වෙඩි තැබීමේ සිදුවීම හේතුවෙන් පුද්ගලයන් 4 දෙනෙකු මියගොස් ඇතැයි වාර්තා වනවා.

Read More »

සිඩ්නි සාප්පු සංකීර්ණයක පිහි ඇනුමක් සහ වෙඩි තැබීමක්

සිඩ්නි නැගෙනහිර ප්‍රදේශයේ වෙස්ට්ෆීල්ඩ්හි සාප්පු මධ්‍යස්ථානයක් තුළ සිදු වූ පිහි ඇනුමක් සහ වෙඩි තැබීමකින් පසු ජනතාවට ඉවත්වන ලෙසට දැනුම් දී තිබෙනවා.

Read More »

සංක්‍රමණිකයන්ගේ බවට සැක කෙරෙන මළ සිරුරු දෙකක් හමුවෙයි

නිව් සවුත්වේල්ස් ප්‍රාන්තයේ කන්ටේනරයක තිබී පුද්ගල මළ සිරුරු දෙකක් සොයා ගැනීමෙන් පසු පොලිසිය විශේෂ පරීක්ෂණයක් ආරම්භ කර තිබෙනවා.

Read More »