පලස්තීනයට සහය පළකර මෙල්බන් උසස් පාසල් රැසක සිසුන් විරෝධතාවයක

පලස්තීනයට සහය පළකරමින් මෙල්බන් හි උසස් පාසල් රැසක සිසුන් ෆ්ලින්ඩර්ස් ස්ට්‍රීට් දුම්රිය ස්ථානය අසල විරෝධතාවයක නිරත වනවා.

ඊශ්‍රායලය විසින් සිදුකරන පහරදීම් වහා නතර කල යුතු බවයි ඔවුන් අවධාරණය කරන්නේ.

කෙසේවෙතත් අධ්‍යයන කටයුතුවලට සහභාගී නොවී මෙවැනි දෑ සඳහා කටයුතු කිරීම අනුමත නොකරන බවයි වික්ටෝරියා අගමැතිනී ජසින්ටා ඇලන් අවධාරණය කරන්නේ.

ඇඩිලේඩ් නගරයේදීත් උසස් පාසල් සිසුන් විසින් අද දිනයේදී මෙලෙසම පලස්තීනයට සහය පතා විරෝධතාවයක් සංවිධාන කර ඇති බවයි පැවසෙන්නේ.

මේ අතර හෙට සිඩ්නි නගරයේ සංවිධාන කර ඇති පලස්තීන හිතවාදී රැළියකට සහභාගීවීමෙන් වළකින්නැයි නිවු සවුත් වේල්ස් අගමැති ක්‍රිස් මින්ස් ප්‍රාන්තයේ ගුරුවරුන් සහ සිසුන්ගෙන් ඉල්ලා සිටිනවා.

එමෙන්ම පාසල් කාල වේලාවන් තුළදි ගුරුවරුන් දේශපාලනික වශයෙන් නිෂ්ක්‍රීය ස්වභාවයක පසුවිය යුතු බවටද නිවු සවුත් වේල්ස් අධ්‍යාපන දෙපාර්තමේන්තුව විසින් දැනුම් දී තිබෙනවා.

මේ අතර සිකුරාදා දිනයේදී ඉගැන්වීම් සඳහා සහභාගී නොවී පලස්තීන හිතවාදී විරෝධතාවයකට සහභාගී වන්නැයි සමාජ මාධ්‍ය හරහා සිදුකෙරෙන ප්‍රචාරයන්ට හසු නොවන්නැයිද නිවු සවුත් වේල්ස් අධ්‍යාපන බළධාරීන් දන්වා සිටිනවා.

ඊශ්‍රායල – පලස්තීන අර්බුදය ආරම්භවීමෙන් පසු ගතවූ සති 06 ක කාලය තුළදී සිඩ්නි නගරයේදී පවත්වා ඇති විරෝධතා ගණන 73 ක් බවටයි අනාවරණය කරගෙන ඇත්තේ.

මේ අතර පලස්තීන ජාතිකයන් 860 දෙනෙකුට ගතවූ සති කිහිපය තුළදී තාවකාලික ඔස්ට්‍රේලියා වීසා පිරිනමා ඇති බව ෆෙඩරල් රජය අනාවරණය කරනවා.

වීසා නිකුත් කෙරුණු පලස්තීන ජාතිකයන්, ඔස්ට්‍රේලියාවේ ජාතික ආරක්ෂාවට තර්ජනයක් නොවන බවයි විදේශ ඇමතිනී පෙනී වොංග් අවධාරණය කලේ.

නිවාස සොයන අයට සහනයක් ගෙන එමින් බැංකු සහ මූල්‍ය ආයතනවලට නව නීති මාලාවක්

රජය විසින් ප්‍රකාශයට පත් කර ඇති ප්‍රතිසංස්කරණ හේතුවෙන් පොලී අනුපාත වෙනස්වීම් ඇතුලු කරුණු කිහිපයක් පිළිබඳව ගනුදෙනුකරුවන් දැනුවත් කිරීමට බැංකු බලධාරීන් පියවර ගෙන තිබෙනවා.

Read More »

සිඩ්නි දේවස්ථානයේ පිහි ඇනුමට සම්බන්ධ බාල වයස්කරුගේ දුකරථනයෙන් හමුවූ දේ

සිඩ්නි දේවස්ථානයක පිහි ඇනුමට සම්බන්ධ බාල වයස්කරුගේ දුරකථනයේ ඇති වීඩියෝ සහ ඡායාරූප දහස් ගණනක් පරීක්ෂා කිරීමට විමර්ශන නිලධාරීන් පියවර ගෙන තිබෙනවා.

Read More »

වලංගු ප්‍රවේශ පත්‍ර නොමැතිව ගිය පාසල් සිසුන්ට වෙච්චි දේ

පර්ත් සහ ඒ අවට ප්‍රදේශවල වලංගු ප්‍රවේශ පත්‍රයක් නොමැතිව පොදු ප්‍රවාහනය භාවිත කිරීමේ චෝදනා මත ට්‍රාන්ස්පර්ත් (Transperth) විසින් පාසල් සිසු සිසුවියන් 1300කට වැඩි පිරිසකට දඩ නියම කර තිබෙනවා.

Read More »

ඔස්ට්‍රේලියාවේ රැකියා කරන අයගෙන් වැඩි පිරිසක් සේවය හැර යාමේ සූදානමක්

එළඹෙන වසර තුළ ඔස්ට්‍රේලියානුවන්ගෙන් සියයට 30කට වැඩි පිරිසක් සිය රැකියාවෙන් ඉවත් වීමට ඉඩ ඇති බව නව පර්යේෂණයකින් අනාවරණ වී තිබෙනවා.

Read More »