ඔස්ට්‍රේලියානු විශ්ව විද්‍යාල තුළ ලිංගික හිංසන සිදුවීම් වළක්වාලීම සඳහා යෝජනා මාලාවක්

ඔස්ට්‍රේලියානු විශ්ව විද්‍යාල සහ උසස් අධ්‍යාපන තුළ ලිංගික හිංසන සිදුවීම් වළක්වාලීම සඳහා ප්‍රාන්ත සහ ෆෙඩරල් රජයේ අධ්‍යාපන අමාත්‍යවරුන් ප්‍රධාන යෝජනා මාලාවක් සකස් කර තිබෙනවා.

ශිෂ්‍ය ගැටලු සඳහා ඔම්බුඩ්ස්මන්වරයෙකු පත් කිරීම – ජාතික මට්ටමේ විනය මාලාවක් පැණවීම සහ සෑම සිදුවීමක්ම වාර්තා කිරිම අනිවාර්ය කිරීම ඒ අතර වනවා.

2020 වසරේ සිට මේ දක්වා සෑම වසරකදීම සරසවි සිසුන් 14,300 ක් පමණ විශ්ව විද්‍යාල පරිශ්‍ර තුළදීම විවිධ ලිංගික හිංසනවලට ලක්වී ඇති බවයි මෑතකදී සිදුකර ඇති සමීක්ෂණ වාර්තාවක දැක්වුණේ.

ඇතැම් විශ්ව විද්‍යාල පාලනාධිකාරීන් විසින් මෙවැනි සිදුවීම් වාර්තා නොකිරීම ලිංගික හිංසන වළක්වාලීමට ඇති ප්‍රධානම බාධාවක් බවත් එබැවින් එය අනිවාර්ය කල යුතු බවටත් අධ්‍යාපන අමාත්‍යවරුන් විසින් සාමූහික තීන්දුවක් ගෙන තිබෙනවා.

එමෙන්ම සෑම උසස් අධ්‍යාපන ආයතනයකම සෑම අධ්‍යයන දෙපාර්තමේන්තුවකම ශිෂ්‍ය උපදේශකයන් පත් කිරීමද යෝජනා අතර වනවා.

ඒ අනුව කිසියම් හිංසන සිදුවීමක් වූ වහා බොහෝ පිරිසකට පැවසීම වෙනුවට අවම පිරිසක් දැනුවත් කිරීම හරහා ගැටලුව ඉහළ බළධාරීන් වෙත යොමු කෙරෙනු ඇති.

ප්‍රමුඛතම විශ්ව විද්‍යාල 39 ක් විසින් මෙම යෝජනාවලියට අත්සන් තබා ඇති නමුත් ඇතැමුන් ඊට අදිමදි කර ඇති බවටද වාර්තා පළවනවා.

ඔස්ට්‍රේලියාවේ ජාත්‍යන්තර කේක් නිර්මාණ තරගයකින් ශ්‍රී ලාංකිකයෙකුට රන් පදක්කම

ඔස්ට්‍රේලියාවේ පැවති ජාත්‍යන්තර කේක් තරඟාවලියකින් ප්‍රථම ස්ථානය දිනා ගැනීමට ඔස්ට්‍රේලියාවේ වෙසෙන ශ්‍රී ලාංකික ඉංජිනේරුවරියක් වන නිෂා පොල්හේන සමත්ව තිබෙනවා.

Read More »

ඔස්ට්‍රේලියාවේ ඩිජිටල් රියදුරු බලපත්‍රයෙන් වංචාවක්

ඔස්ට්‍රේලියාවේ ඩිජිටල් රියදුරු බලපත්‍ර සාමාන්‍යකරණය වෙමින් පවතින අතර ඊට සමගාමීව වංචනික ක්‍රියා ද ඉහළ ගොස් ඇති බව හෙළි වනවා.

Read More »

ත්‍රස්ත ක්‍රියාවක් බව කියන දේවස්ථානයේ පිහි ඇනුමට අවුරුදු 15ක ළමයෙක් අත්අඩංගුවේ

බටහිර සිඩ්නිහි පිහිටි ඕතඩොක්ස් ක්‍රිස්තියානි දේවස්ථානයකදී බිෂොප්වරයෙකුට සහ පුජකවරයෙකුට පිහියෙන් ඇනිමේ සිදුවීම සම්බන්ධයෙන් 15 හැවිරිදි පිරිමි ළමයෙකු අත්අඩංගුවට ගෙන තිබෙනවා.

Read More »

සිඩ්නි සාප්පු මධ්‍යස්ථානයේ සැකකරු මෙල්ල කළ අයෙකුට ඔස්ට්‍රේලියානු පුරවැසිභාවය හිමිවෙයි

බොන්ඩායි ජන්ෂන් හි සාප්පු මධ්‍යස්ථානයේ පිහි ඇනුමට පැමිණි සැකකරු මෙල්ල කර ගැනීමට ඔහු සමග සටන් කළ ප්‍රංශ ජාතික තරුණයාට ඔස්ට්‍රේලියානු පුරවැසිභාවය ලබාදීමට අග්‍රාමාත්‍ය ඇන්තනි ඇල්බනීස් පියවර ගෙන තිබෙනවා.

Read More »