අපහාසාත්මත සහ තර්ජනාත්මක වර්ගවාදී අදහස් පළකිරීම් සම්බන්ධයෙන් වන නීති දැඩි කිරීමට අදාළ යෝජනාවක් නිවු සවුත් වේල්ස් පාර්ලිමේන්තුවට ඉදිරිපත් කර තිබෙනවා.
ඒ අනුව අදාළ චෝදනා සඳහා වරදකරුවෙකු වන පුද්ගලයන්ට මෙතෙක් පැවති ලිහිල් නීති රීති වෙනුවට දැඩි දඩු්වම් ලබාදීමට නියමිතයි.
මෙතෙක් පැවති නීති අනුව නීතිපති උපදෙස් ලබාගැනීමේ දැඩි ප්‍රමාදයන් පැවති අතර ඇතැම්විට චෝදනා ගොණු කිරීම සඳහා මාස ගණනක් පවා ගතවූ අවස්ථාද දක්නට ලැබුණා.
එහෙත් අගහරුවාදා පස්වරුවේ නිවු සවුත් වේල්ස් ප්‍රාන්ත සභාවට ඉදිරිපත් කල නීති සංශෝධන යටතේ එම හිඩැස් සියල්ල ආවරණය කර ඇති බවයි පැවසෙන්නේ.
මෑතකාලීනව නිවු සවුත් වේල්ස් හි වර්ගවාදී අදහස් දැක්වීම්වල ඉහළයාම සැළකිල්ලට ගෙනයි ප්‍රාන්ත රජය විසින් මෙම පියවර ගෙන ඇත්තේ.
