සති 02 කට ආසන්න කාලයක් තුළ සිදුකල වැටලීම්වලදී නීති විරෝධී ඊ- දුම්වැටි ටොන් 35 කට අධික ප්‍රමාණයක් වටලා තිබෙනවා.
මින් අති බහුතරයක නියමිත ප්‍රමාණය ඉක්මවා නිකොටීන් අන්තර්ගත බවයි පැවසෙන්නේ.
අවවාදාත්මක ලේබල් නොමැතිවීම සහ අනතුරුදායක වෙනත් රසායනික අන්තර්ගත ඉලෙක්ට්‍රොනික දුම්වැටි ද මෙලෙස වටලනු ලැබූ ඒවා අතර වන බවට හඳුනාගෙන තිබෙනවා.
ළමුන් – යෞවන යෞවනියන් සහ තරුණ පිරිස් ඉලක්ක කර අලෙවි කිරීමටයි මෙම ඊ-දුම්වැටි සූදානම් කර තිබී ඇත්තේ.
ඇතැම් ඒවා USB drive හා සමාන ආකාරයෙන් නිපදවා ඇති අතර පරීක්ෂා කිරීමකදී එක්වරම හඳුනාගත නොහැකි ආකාරයෙන් සකස් කර තිබීමද විශේෂත්වයක්.
ඊ-දුම්වැටි සම්බන්ධයෙන් ෆෙඩරල් රජය දැඩි රෙගුලාසි මාලාවක් හඳුන්වාදීමට නියමිත අතර ඒ අනුව TGA හි අනුමැතියකින් තොරව ඒවා ආනයනය කිරීම පවා තහනම් වනු ඇති.
