ක්වින්ස්ලන්ඩ් විද්‍යුත් ස්කූටර් සහ පාපැදි නව නීති ගැන දැඩි විරෝධතාවක්

ක්වින්ස්ලන්ඩ් ප්‍රාන්තයේ විද්‍යුත් ස්කූටර් සහ පාපැදි සඳහා හඳුන්වා දී ඇති නව නීති සම්බන්ධයෙන් දැඩි විරෝධතාවක් මතුව තිබෙනවා.

අනාරක්ෂිත පාපැදිකරුවන් හා ස්කුටර් පදවන්නන් පාලනය කිරීමේ අරමුණින් පසුගිය දා නව දඩ ක්‍රමයක් හඳුන්වා දීමේ යෝජනාවක් පාර්ලිමේත්තුව වෙත ඉදිරිපත් කර තිබුණා.

යෝජිත නීති යටතේ පාපැදිකරුවන් අදාළ මංතීරු වල මෙන්ම ඇවිදින මංතීරු තුළ නොසැලකිලිමත්ව පාපැදි හැසිරවීම තහනම් වන අතර එවැනි රියදුරන්ට එරෙහිව ඩොලර් 6,192 ක් දක්වා දඩ පැනවීමට නියමිතයි.

පාපැදිකරුවන් චෝදනා නගන්නේ යෝජිත නිති යටතේ පාපැදිකරුවන් හට ධාවනය අතරතුර ජලය පානය කිරීමට, අනෙක් පාපැදි කරුවන් සමග කතා කිරීම හා ධාවන ඉරියව් වෙනස් කිරීමේ හැකියාව ද සීමා වන බවයි.

කෙසේවෙතත් නිවේදනයක් නිකුත් කරමින් ප්‍රවාහන හා ප්‍රධාන මාර්ග දෙපාර්තමේන්තුව සඳහන් කර ඇත්තේ එවැනි සාමාන්‍ය ක්‍රියා සඳහා දඩ පැණවීමක් සිදු නොවන බවයි.

අදාල නීතිය මෙතක් සම්මත කර නොමැති අතර පාපැදිකරුවන් මාර්ගවල සිටියදී දැඩි අවධානයෙන් පසුවීම වැදගත් බවයි පැවසෙන්නේ.

පාපැදි සංගම් පෙන්වා දෙන්නේ අදාළ නීති පාපැදි අනතුරු සදහා පමණක් බලාත්මක කිරීම වඩාත් සුදුසු වන අතර යෝජිත නීතිය යටතේ නොසැලකිලිමත් ලෙස පාපැදි භාවිතය යන්න නිසි ආකාරයෙන් අර්ථ දක්වා නොමැති බවයි.

කුලී නිවාස ගන්න යනවා නම් මේ වංචාවට හසුවෙන්න එපා

කුලී නිවාස සපයා දෙන මුවාවෙන් සමාජ මාධ්‍ය ඔස්සේ සිදුකෙරෙන මූල්‍ය වංචා පිළිබඳ අවධානයෙන් පසුවන ලෙස පොලිසිය ජනතාව දැනුවත් කර තිබෙනවා.

Read More »

ඔස්ට්‍රේලියාවේ අඩු ආදායම්ලාභීන් වෙනුවෙන් ඉල්ලීමක්

අඩු ආදායම්ලාභී පවුල් සඳහා මුල් ළමාවිය අධ්‍යාපන පහසුකම් ඇතුලු ළමා රක්ෂණ සේවා නොමිලේ ලබා දෙන්නැයි ඵලදායිතා කොමිෂන් සභාව ෆෙඩරල් රජයෙන් ඉල්ලීමක් කර තිබෙනවා.

Read More »

ජීවිත 6ක් බිලිගත් සිඩ්නි ප්‍රහාරය ගැන තවත් තොරතුරු හෙළිවෙයි

සිඩ්නි නැගෙනහිර වෙස්ට්ෆීල්ඩ් බොන්ඩායි ජන්ෂන් හි සාප්පු මධ්‍යස්ථානයකදී පුද්ගලයන් කිහිප දෙනෙකුට පිහියෙන් ඇනීමෙන් පසු පොලිස් වෙඩි පහරින් මිය ගිය 40 හැවිරිදි වියේ පසුවන පුද්ගලයා හඳුනා ගැනීමට පොලිසිය තවදුරටත් විමර්ශන සිදු කරමින් පවතිනවා.

Read More »

සිඩ්නි වෙස්ට්ෆීල්ඩ් සාප්පු සංකීර්ණයේ පිහි ඇනුමෙන් 7ක් ජීවිතක්ෂයට

සිඩ්නි හි නැගෙනහිර වෙස්ට්ෆීල්ඩ් බොන්ඩි හන්දියේ සාප්පු මධ්‍යස්ථානයේදී සිදු වූ පිහි ඇනුමෙන් සහ වෙඩි තැබීමෙන් ප්‍රහාරකයා ඇතුලු පුද්ගලයන් 7දෙනෙකු මියගොස් තිබෙනවා.

Read More »