චීන ජනපති සමග සාකච්ඡා කල දෑ හෙළිකරන්නැයි විපක්ෂ නායක අගමැතිගෙන් ඉල්ලයි

පසුගිය සතියේ අවස්ථා 02 කදී චීන ජනාධිපති ෂී ජිංපින් සමග සිදුකල සාකච්ඡා පිළිබඳ නිවැරදි තොරතුරු රටට හෙළිකරන්නැයි විපක්ෂ නායක පීටර් ඩට්න් අගමැති ඇන්තනී ඇල්බනීස්ගෙන් ඉල්ලා සිටිනවා.

චීන නාවික හමුදා අත්හදා බැලීමක් අතරතුර ඔස්ට්‍රේලියානු රාජකීය නාවික හමුදා කිමිදුම්කරුවන් පිරිසක් අවධානමකට ලක්වීම පිළිබඳ එහිදී අවධානය යොමුකලේ දැයි ඔහු ප්‍රශ්න කර සිටිනවා.

මෙම සිදුවීම වාර්තාවී දින කිහිපයක් ගතවී ඇතත් අගමැති ඇල්බනීස් හෝ ලේබර් පක්ෂ රජය විසින් කිසිදු නිල නිවේදනයක් නිකුත් කර නොමැතිවීම ගැටලු සහගත බවයි විපක්ෂ නායකවරයා අවධාරණය කර සිටින්නේ.

මෙට සමස්ත රටවාසීන්ගේ ආරක්ෂාව අනතුරේ හෙළීමක් බවටද පීටර් ඩට්න් චෝදනා කරනවා.

චීනයේ යුධමය ක්‍රියාකාරකම් හමුවේ ඉදිරියේදී ඔස්ට්‍රේලියානු ආරක්ෂක අංශ සාමාජිකයන්ට මීට වඩා වැඩි අවධානමක් ඇතිවුවහොත් එහි වගකීම භාරගන්නේදැයි ඔහු අගමැති ඇල්බනීස්ගෙන් තවදුරටත් විමසා සිටිනවා.

මගියෙකුට මරු කැඳවූ අනතුරින් පසු සිංගප්පූරු ගුවන් සේවයේ වෙනසක්

සිංගප්පූරු ගුවන් සේවයේ යානයක් පසුගියදා මුහුණ දුන් ත්‍රාසජනක ගුවන් කැළඹීම හේතුවෙන් සමාගමේ ගුවන් ගමන් ක්‍රමවේද කිහිපයක් යාවත්කාලීන කර තිබෙනවා.

Read More »

මෙල්බන් වෙත පැමිණි විදේශිකයාගේ ගමන් මල්ලෙන් මිලියන ගණනක මත්ද්‍රව්‍ය මතුවෙයි

මෙල්බර්න් වෙත පැමිණි ගුවන් යානයක සිටි මගියෙකුගේ ගමන් මල්ලක තිබී ඩොලර් මිලියන 1.3ක කොකේන් තොගයක් අත්අඩංගුවට ගෙන තිබෙනවා.

Read More »

මෙල්බන් පොලිස් නිලධාරියා අනතුරට ලක් කර පළාගිය සැකකරු ඇල්ලූ හැටි

සොරකම් කළ මෝටර් රථයකින් මෙල්බන්හිදී පොලිස් නිලධාරියෙකු අනතුරට ලක් කර පළා යාමේ සිද්ධියට සම්බන්ධ සැකකරු පොලිස් අත්අඩංගුවට ගෙන තිබෙනවා.

Read More »