නිවු සවුත් වේල්ස් ප්‍රාන්තවාසීන්ගෙන් අය කෙරෙන හදිසි සේවා බද්ද අත්හිටුවීමට තීරණය වී තිබෙනවා.
දැනට ප්‍රාන්ත වාසීන් විසිනු ගෙවනු ලබන රක්ෂණ වාරිකවලිනුයි මෙම බද්ද අය කරනු ලබන්නේ.
නිවු සවුත් වේල්ස් හදිසි සේවා අංශවල වාර්ෂික පිරිවැයෙන් සියයට 73.7 ක් මෙම බද්දෙන් ආවරණය වන අතර සියයට 11.7 ක් කාගරික කවුන්සිල විසින්ද සියයට 14.6 ක් ප්‍රාන්ත රජය විසින්ද දරනු ලබනවා.
මෙම බද්ද හමුවේ රක්ෂණ වාරික අගයන් සියයට 18 කින් පමණ ඉහළ ගොස් ඇත්තේ රක්ෂණ සමාගම් විසින් එම පිරිවැය සාමාන්‍ය ජනතාව මත පැටවීම හේතුවෙනුයි.
කෙසේවෙතත් හදිසි ආපදා සඳහා බද්දක් අය කරන එකම ප්‍රාන්තය නිවු සවුත් වේල්ස් පමණක් වන බැවින් එම බද්ද අය කිරීම නතර කිරීමටයි ප්‍රාන්ත රජය තීරණය කර ඇත්තේ.
එහි ප්‍රථිඵලයක් ලෙස රක්ෂණ වාරික අගයද පහළ යනු ඇති බවට අනාවැකි පළවනවා.
