ඔස්ට්‍රේලියාවේ විරැකියා අනුපාතය ඔක්තෝබර් මාසයේදී නැවතත් ඉහළගොස් තිබෙනවා.
ඒ අනුව පෙර මාසයට සාපේක්ෂව එය සියයට 0.2 කින් ඉහළ ගොස් ඇත්තේ සියයට 3.7 දක්වායි.
පසුගිය මාසයේදී පුද්ගලයන් 55,000 කට අලුතින් රැකියා ලැබී ඇතත් රැකියා නොමැති පිරිස 28,000 කින් වැඩි වී ඇති බවයි සංඛ්‍යාලේඛණ කාර්යාංශය අද නිකුත් කල දත්තවල දැක්වෙන්නේ.
මේ අනුව පසුගිය ජූලි මාසයේදී විරැකියාව පැවති මට්ටමට නැවතත් මෙරට විරැකියා අනුපාතය පත්වී තිබෙනවා.
ඔක්තෝබර් මාසයේදී රැකියා පැය ගණනද සියයට 0.5 කින් ඉහළ ගොස් ඇති බවයි සංඛ්‍යාලේඛණ කාර්යාංශය කියාසිටියේ.
