ගෘහස්ථ අවස්ථාවලදී නැවතත් මුව ආවරණ පැළඳීම අනිවාර්ය කිරීමට ක්වීන්ස්ලන්ඩ් සෞඛ්‍ය අංශ සුදානම් වනවා.
පසුගිය මාසයේ සිට මේ දක්වා කොවිඩ් ආසාධනය වී රෝහල්ගත වූවන් සංඛ්‍යාව 03 ගුණයකින් ඉහළ ගොස් තිබීමයි ඊට හේතුව වන්නේ.
මේ අනුව ක්වීන්ස්ලන්ඩ් ප්‍රාන්තයේ 08 වන කොවිඩ් රැල්ල මෙය ලෙසයි සැළකෙන්නේ.
වෛද්‍යවරුන් උපදෙස් දී ඇත්තේ පොදු ඒකරාශිවීම් – රෝහල් සහ ගුවන් යානා තුළදී අනිවාර්යයෙන්ම මුව ආවරණ පළඳින ලෙසයි.
එමෙන්ම පසුගිය මාස 06 තුළදී බූස්ටර් මාත්‍රාව ගෙන නොමැති මිලියන 3.4 ක් වන ක්වීන්ස්ලන්ඩ් වැඩිහිටි ප්‍රජාවට වහා ඒ සඳහා පියවර ගන්නැයිද දැනුම්දීමක් සිදු කෙරෙනවා.
ගතවූ සති 04 තුළදී රෝහල්ගත කර ඇති කොවිඩ් ආසාධිතයන් සංඛ්‍යාව 221 ක් වන අතර ඉන් බහුතරය වයස අවුරුදු 65 ට වැඩි අය බවටයි හඳුනාගෙන ඇත්තේ.
