ඉහළ යන ජීවන වියදම පාලනයට සහ නිවාස අර්බුදය විසඳීමට පාලක ලේබර් පක්ෂය සහ අගමැති ඇන්තනී ඇල්බනීස් අසමත් බවට ඔස්ටේ්‍රලියානුවන් බහුතරයක් සමීක්ෂණකදී අදහස් දක්වා තිබෙනවා.
දිනෙන් දින ආහාර ඇතුලු අත්‍යවශ්‍ය ද්‍රව්‍ය මිළ ගණන් ඉහළයාමත් ඉන්ධන මිළ ගණන්වල සිදුවන වැඩිවීමත් නතර වන දිනයක් පෙනෙන්නට නොමැති බවයි ඔවුන් සඳහන් කර ඇත්තේ.
ජීවන වියදම පාලනයට ලේබර් පක්ෂ රජය විසින් ඩොලර් බිලියන 23 ක සහන පැකේජයක් හඳුන්වාදුන්නද එය සාර්ථක වී නොමැති බව සමීක්ෂණයේදී වැඩි පිරිසක් පවසා තිබෙනවා.
නිවාස අර්බුදය වහා විසඳීමට රජය පියවරක් නොගතහොත් තවත් වසර කිහිපයකින් එය උග්‍ර ගැටලුවක් බවට පත්වීම වැළැක්විය නොහැකි බවයි ඔවුන් අවධාරණය කර ඇත්තේ.
බලයට පැමිණිමෙන් පසු අගමැති ඇල්බනීස්ගේ ජනප්‍රියත්වය පහළම අගයට ඇද වැටී ඇති බවට වාර්තාවක් නිකුත්වී දින කිහිපයකින් මෙම සමීක්ෂණ ප්‍රතිඵළ නිකුත්වීමද විශේෂත්වයක්.
