VCE විභාගයේ ගැටලු සම්බන්ධයෙන් සොයා බලන බවට වික්ටෝරියා ප්‍රාන්ත අධ්‍යාපන දෙපාර්තමේන්තුව සහතික වී තිබෙනවා.
12 වන ශ්‍රේණිය සිසුන් සඳහා සති 02 කට පමණ ඉහතදී පැවති සාමාන්‍ය ගණිතය ප්‍රශ්න පත්‍රයේ දෝෂ 02 ක් සම්බන්ධයෙන් විශාල පිරිසක් පැමිණිලි කර තිබුණා.
ළකුණු ලබාදීමේදී මේ සම්බන්ධයෙන් සාධාරණයක් ඉටු කරන බවටත් සිද්ධිය පිළිබඳ පූර්ණ පරීක්ෂණයක් පවත්වන බවටත් වික්ටෝරියා ප්‍රාන්ත රජය පොරොන්දු වී තිබෙනවා.
මේ අතර දෙවන භාෂාව ලෙස VCE උසස් තරග විභාගය සදහා චීන භාෂා වැරදි ප්‍රශ්ණ පත්‍ර ලබාදුන් බවට සිසුන් ඇතුලු දෙමාපිය පිරිසක් පැමිණිලි කර තිබුණා.
උසස් පාසැල් දෙකක මෙලෙස නියමිත ප්‍රශ්ණ පත්‍ර වෙනුවට වැරදි ප්‍රශ්ණ පත්‍ර සිසුන් වෙත ලබා දී ඇති බවයි වාර්තා වන්නේ.
මේ හේතුවෙන් සිසුන් දැඩි අපහසුතාවට පත්ව ඇති අතර ප්‍රතිඵල නිකුත් කිරීමේ දී අගතියට පත් සිසුන් හට සාධාරණයක් කරන මෙන් ඉල්ලා තිබෙනවා.
