ක්වීන්ස්ලන්ඩ් මෝටර් රථයක බිළිඳුන් දෙදෙනෙකුගේ මළ සිරුරු

ක්වීන්ස්ලන්ඩ් හි දුෂ්කර ප්‍රදේශයක මෝටර් රථයක තිබී බිළිඳුන් දෙදෙනෙකුගේ මළ සිරුරු හමුවී තිබෙනවා.

රොක්හැම්ප්ටන් සිට කිලෝමීටර් 170 ක් පමණ බටහිරින් පිහිටි පුද්ගලික දේපළක නවතා තිබූ මෝටර් රථයකිනුයි මෙම සිරුරු හමුවී ඇත්තේ.

මෙලෙස මියගොස් ඇත්තේ වයස අවුරුදු 02 ක ළදරුවෙකු සහ අවුරුදු 03 ක ළදරුවෙකු බවයි ක්වීන්ස්ලන්ඩ් පොලිසිය සඳහන් කලේ.

අදාළ ළදරුවන් සහෝදරයන් නොවන අතර ඥාති සොයුරන් බවටයි හඳුනාගෙන ඇත්තේ.

මෙය ඝාතනයක්ද නොඑසේනම් මෝටර් රථය තුළදී හුස්ම හිරවීමෙන් සිදුවූ මරණ දැයි මේ දක්වා නිශ්චිතව තහවුරු කරගෙන නැහැ.