කණ්ඩායමක් ලෙස උපරිමයෙන් ක්‍රීඩා කළද අවාසනාවන්ත ලෙස තරග පරාජය වූ බව ශ්‍රී ලංකා ක්‍රිකට් වත්මන් එක්දින නායක කුසල් මෙන්ඩිස් පවසනවා.
ඔහු සඳහන් කළේ, ඒ ගැන දැඩි කනගාටුවක් ඇති බවයි.
2023 ලෝක කුසලාන එක්දින තරගාවලියෙන් ඉවත්වීමට සිදුවූ ශ්‍රී ලංකා ක්‍රිකට් කණ්ඩායම අද අලූයම දිවයිනට පැමිණ තිබුණේ ඉන්දියාවේ බැංගලෝර් නුවර සිටයි.
කණ්ඩායමේ එකමුතුකමක් නොතිබු බවට එල්ලවන චෝදනා ප්‍රතික්ෂේප කරන බවද ඔහු කියාසිටියා.
මේ අතර ශ්‍රී ලංකා ක්‍රිකට් කණ්ඩායමේ පරාජය පිටුපස එක්තරා කණ්ඩායමක් සිටි බවත්, ඔවුන්ගේ කුමන්ත්‍රණකාරී වැඩපිළිවෙල හමුවේ මෙම ඛේදනීය පරාජය අත්වූ බවත් ශ්‍රී ලංකා ක්‍රිකට් තේරීම් කමිටු ප්‍රධානී ප්‍රමෝද්‍යය වික්‍රමසිංහ කටුනායක ගුවන්තොටුපොළ පරිශ්‍රයේදී සඳහන් කලා.
මේ පිළිබඳ සියලූ තොරතුරු තවත් දින 02 කින් ප්‍රසිද්ධ මාධ්‍ය හමුවේ ප්‍රකාශ කරමින් ශ්‍රී ලාංකීය ජනතාවට දැනගැනීමට සලස්වන බවයි ඔහු වැඩිදුරටත් කියාසිටියේ.
